કોરોનાની સ્થિતિ વણસતાં એક જ ચિતા પર 8 મૃતદેહના થયા અંતિમ સંસ્કાર

મહારાષ્ટ્રમાં કોરોનાની પરિસ્થિતિ દિવસેને દિવસે અતિગંભીર થતી જઈ રહી છે. રાજ્યના મોટાભાગના શહેરોમાં કોરોનાના નવા કેસો ખુબ ઝડપથી વધી રહ્યાં છે. એવી પરિસ્થિતિ આવી ગઈ છે કે, કેટલાક શહેરોમાં તો અનેક લોકોનાં એકસાથે અંતિમ સંસ્કાર કરવા પડે છે.

મહારાષ્ટ્રનાં બીડ જિલ્લામાં પણ કોરોનાની પરિસ્થિતિ ખુબ ભયાનક રહી છે. જિલ્લામાં આવેલ એક ગામમાં મંગળવારે 8 લોકોના અંતિમ સંસ્કાર કરવામાં આવ્યા હતા. તેમાંથી એક મહિલા અને બાકીના 7 પુરુષોનો સમાવેશ થાય છે. તે બધાની ઉંમર 60 વર્ષથી વધુ છે.

અત્રે ઉલ્લેખનીય છે કે, છેલ્લા કેટલાંક દિવસોમાં 500 જેટલા લોકો પોઝીટીવ આવ્યા છે. અહીં મોતની સંખ્યામાં વધારો થઈ રહ્યો છે. આની સાથે જ સમગ્ર જિલ્લામાં છેલ્લા 24 કલાકમાં કુલ 741 ભોગ બન્યાં છે તેમજ કુલ 8 લોકોનાં મોત થયાં છે.

અહીં નોંધપાત્ર વાત તો એ છે કે, કોરોનાના સતત વધતા જતા કેસમાં, મહારાષ્ટ્રનાં હોટસ્પોટ જિલ્લામાં ICU તથા ઓક્સિજનની ખુબ અછત રહેલી છે. હોસ્પિટલમાં 7 ઓક્સિજન બેડ લગાવવાના રહેશે કે, જેથી દર્દીઓ પાછા ફરવાને બદલે ઓક્સિજન આપીને બચાવી શકાય.