કોવીશીલ્ડ બનાવતી કંપનીનો મોદી સરકાર પર મોટો આરોપ: સ્ટોક અને WHO ની ગાઈડલાઈનનો ઉલાળિયો કરીને કરી રસીકરણની જાહેરાત

દેશમાં COVID-19 રસીઓની અછત સર્જાઈ છે. રસીની અછતને કારણે, લોકો સરળતાથી રસી મેળવી શકતા નથી. દરમિયાન, ‘કોવિશિલ્ડ'(Covishield) બનાવનારી પૂના સ્થિત સીરમ ઇન્સ્ટિટ્યૂટ ઓફ ઈન્ડિયા (SII) ના એક્ઝિક્યુટિવ ડિરેક્ટર સુરેશ જાધવે મોદી સરકાર પર મોટો આરોપ લગાવ્યો છે.

જાધવે જણાવ્યું હતું કે રસીકરણ અભિયાનના વિસ્તરણ દરમિયાન સરકારે રસીનો ઉપલબ્ધ સ્ટોક અને વિશ્વ આરોગ્ય સંગઠન (WHO) ની માર્ગદર્શિકા ધ્યાનમાં લીધી નથી. સ્વાસ્થ્ય સંબંધિત સંગઠિત ઈ-કોન્ફરન્સ દરમિયાન બોલતા ન્યૂઝ એજન્સી પી.ટી.આઈ. અનુસાર, સીરમ ઇન્સ્ટિટ્યૂટ ઓફ ઈન્ડિયાના એક્ઝિક્યુટિવ ડિરેક્ટરએ કહ્યું હતું કે, “સરકારે કેટલીય રસી ઉપલબ્ધ છે. WHO ની માર્ગદર્શિકા શું છે તે ધ્યાનમાં લીધા વિના, દરેક વયના લોકો માટે રસી આપવાની મંજૂરી આપી છે.”

જાધવે કહ્યું કે, “શરૂઆતમાં 300 મિલિયન લોકોને રસી આપવામાં આવી હતી, જેના માટે 600 મિલિયન ડોઝ જરૂરી હતા. પરંતુ અમે લક્ષ્ય સુધી પહોંચીએ ત્યાં સુધીમાં સરકારે 45 વર્ષથી વધુ અને 18 વર્ષથી વધુ ઉંમરના તમામ લોકોને રસીકરણ શરૂ કરી દીધી છે. સરકારને પણ ખબર હતી કે અમારી પાસે રસીનો આટલો સ્ટોક નથી. ”

સીરમ ઇન્સ્ટિટ્યૂટ ઓ ઈન્ડિયાના એક્ઝિક્યુટિવ ડિરેક્ટરએ કહ્યું, “આના પરથી અમને સૌથી મોટો પાઠ મળ્યો કે આપણે ઉત્પાદનની ઉપલબ્ધતાને ધ્યાનમાં રાખવી જોઈએ અને તેનો વિચારપૂર્ણ રીતે ઉપયોગ કરવો જોઈએ.”