સાયબર ઠગોએ તો હવે હદ પાર કરી, IPS ઓફિસરની નકલી FB ID બનાવી માંગી રહ્યા છે રૂપિયા

ઉત્તર પ્રદેશમાં દિવસેને દિવસે સાયબર છેતરપિંડી કરનારાઓનો ત્રાસ વધી રહ્યો છે. વાત એટલી હદે છે કે IPS અને DIG સ્તરના અધિકારીઓ(Officers) પણ આ સાયબર ફ્રોડ કરનારાઓથી બચતા નથી. તાજેતરનો મામલો એસએસપી સંતોષ કુમાર સિંહ સાથે બન્યો છે, જેમને બુલંદશહેર ડીઆઈજીનું પ્રમોશન મળ્યું છે. વાસ્તવમાં, કોઈ અજાણ્યા વ્યક્તિએ બુલંદશહરના એસએસપી સંતોષ કુમાર સિંહનું ફેક ફેસબુક આઈડી બનાવ્યું અને તેના પર એક પોલીસ અધિકારીનો પ્રોફાઈલ ફોટો લગાવ્યો. ત્યારપછી લોકો પાસે પૈસા માંગવા લાગ્યો.

જ્યારે આ માહિતી SSPના ધ્યાન પર આવી તો તેણે પોતાના રિયલ ફેસબુક આઈડી પરથી લોકોને અપીલ કરી અને લખ્યું કે, “મિત્રો, મારો ફોટો મૂકીને Lives in Bangaloreએ ફેક ફેસબુક આઈડી બનાવી છે. પૈસા માંગે છે. કૃપા કરીને બ્લોક કરવાનો પ્રયાસ કરો.” થોડા સમય પછી, એસએસપીએ લખ્યું કે, ફેક આઈડી બ્લોક કરી દેવામાં આવી છે. આરોપ દાખલ કરવામાં આવી રહ્યો છે. તમારા સહકાર બદલ આપ સૌનો આભાર.”