બે ગુજરાત સમાય જાય એવડું બીપોરજોય વાવાઝોડું આવી રહ્યું છે- જાણો હવામાન વિભાગે શું કહ્યું

Cyclone biporjoy is coming towards Gujarat: ગુજરાત રાજ્યમાં આગામી તારીખ 12 જૂન થી 14 જૂન સુધીમાં ગુજરાતમાં બીપોરજોય વાવાઝોડું (Biporjoy Cyclone) આવવાની સંભાવના વ્યક્ત કરવામાં આવી છે. ત્યારે પોરબંદર થી નલિયા વચ્ચે વાવાઝોડુ ટકરાઈ શકે છે. મળેલી માહિતી અનુસાર જુન મહિનાના પ્રથમ દસ દિવસમાં એકસાથે બે વાવાઝોડા ટકરાશે તેવી પણ આગાહી કરવામાં આવી છે.

ત્યારે એક વાવાઝોડું ગુજરાત રાજ્ય તરફ આવી રહ્યું છે. અરબી સમુદ્રમાં હવાનું દબાણ સર્જાતા ગુજરાત રાજ્ય પર વાવાઝોડાનો ખતરો તોળાઈ રહ્યો છે. તારીખ 7 જૂને લક્ષદ્રીપ પાસે હવાનું હળવું દબાણ વાવાઝોડામાં પરિવર્તિત થશે તેવી પણ સંભાવના કરવામાં આવી છે.

પ્રાપ્ત માહિતી અનુસાર અરબી સમુદ્રમાં સાયક્લોનિક સિસ્ટમ બનવાની છે, આ સાયક્લોનિક સિસ્ટમને બિપોરજોય નામ આપવામાં આવ્યું છે. શક્યતા વ્યક્ત કરવામાં આવી છે કે, વાવાઝોડાની શરૂઆતની દિશા મુંબઈ અને રત્નાગીરી તરફ છે. ગુજરાત રાજ્યના દરિયા કિનારાની તારીખ 13 જૂનની આસપાસ વાવાઝોડાનો ખતરો રહેલો છે.

મળતી માહિતી અનુસાર જો આ વાવાઝોડું છેલ્લે ફંટાઈ જાય તો તે પાકિસ્તાનનાં કરાંચી તરફ જઈ શકે તેવી સંભાવના છે. તારીખ 12,13 અને 14 જૂને સૌરાષ્ટ્ર અને દરિયા કિનારાના વિસ્તારમાં ભારે વરસાદ થઈ શકે તેવી શક્યતા છે. તેમજ દરિયા કિનારે 50 થી 100 કિલોમીટરની ઝડપે પવન ફૂંકાવાશે તેવી પણ સંભાવના વ્યક્ત કરવામાં આવી છે.