પ્રેમિકાને મળવા આવ્યો અને ઝડપાઈ ગયો, યુવકને થાંભલે બાંધી ફટકાર્યો, વીડિયો સોશયલ મીડિયામાં વાયરલ

દાહોદ જિલ્લાના એક ગામનો એક વીડિયો સોશયલ મીડિયા પર ભારે વાયરલ થયો છે. જેમાં એક યુવકને કેટલાક લોકો વીજળીના થાંભલે બાંધીને માર મારી રહ્યા છે. માર મારવામાં મહિલા પણ સામેલ હોવાનું વીડિયોમાં દેખાઈ રહ્યું છે.

મળતી માહિતી મુજબ, દાહોદ જિલ્લાના સીંગવડ તાલુકાના ચાચકપુર ગામની એક પરિણીતા સાથે નજીકના તાતરી ગામના પરિણિત યુવકના આડા સંબંધો હતા.

દરમિયાનમાં આજે આ યુવક તેની પ્રમિકાને મળવા ચાચકપુર ગામે આવ્યો હતો અને ગામ લોકોએ તેને રંગેહાથ ઝડપી લીધો હતો. બાદમાં ગામ લોકોએ યુવકને થાંભલા સાથે બાંધી ઢોર માર માર્યો હતો.