બાપ ધારાસભ્ય થઇ મોટી-મોટી વાતો કરે, અને દીકરો પીઠ પાછળ જુગાર રમે

ગુજરાતના દાણીલીમડા વિસ્તારમાં પોલીસ અધિકારીએ છાપો મારી જુગાર રમતા પૂર્વ ધારાસભ્ય અને હાલમાં ભાજપના નેતા ગીરીશ પરમારના પુત્ર સહિત પાંચ વ્યક્તિઓને પકડી પાડયા હતા. પુત્રને છોડવવા માટે પિતા સહિત રાજકીય આગેવાનોએ પોલીસ પર દબાણ લાવીને ધમપછાડા કર્યા હતા. જો કે પોલીસે કાયદેસરની કાર્યવાહી કરીને વધુ તપાસ હાથ ધરી છે.

આ કેસની વિગત એવી છે કે દાણીલીમડા પોલીસે ચોક્કસ બાતમી આધારે દાણીલીમડા વિસ્તારમાં આવેલી કમલા નહેરુ સોસાયટી પાસે આવેલી જયકૃષ્ણ સોસાયટી બહાર આજે સાંજે ૪ વાગે  રેડ કરી હતી, જ્યાં જાહેરમાં બાંકડા પર બેસીેને જુગાર રમતા પાંચ શખ્સોને રંગેહાથ ઝડપી પાડયા હતા.

દાણીલીમડા પોલીસ સ્ટેશનના પોલીસ ઇન્સ્પેકટર, વી.આર. વસાવાના જણાવ્યા મુજબ જુગાર રમતા પકડાયેલા શખ્સોમાં દાણીલીમડા વિસ્તારમાં રહેતા પૂર્વ ધારાસભ્ય અને અત્યારે ભાજપના આગેવાન ગીરીશભાઇ પરમારના પુત્ર ભાવિક પણ બહેરામપુરા વોર્ડના ભાજપના ઉપ પ્રમુખ તરીકે  હોદ્દો ધરાવે છે તેમના સહિત પાંચ શખ્સોનો સમાવેશ થાય છે.