લક્ષ્મી ડાયમંડના શ્રી ચુનિભાઈ ગજેરાના ધર્મપત્ની શ્રીમતિ સુનિતાબેનનું દુખ:દ નિધન: સમગ્ર હીરા ઉદ્યોગ શોકાતુર

હાલમાં એક ખુબ દુઃખજનક સમાચાર સામે આવ્યા છે. સમગ્ર દેશ -વિદેશમા નામના ધરાવતી હીરાની અગ્રણી કંપની લક્ષ્મી ડાયમંડના શ્રીચુનિભાઈ ગજેરાના ધર્મપત્ની શ્રીમતિ સુનિતાબેન ગજેરાનું આજરોજ એટલે કે, 2 એપ્રિલના રોજ વહેલી સવારમાં ગુજરાતનાં સુરતમાં દુખ:દ અવસાન થયુ છે.

આ સમાચારને કારણે ગજેરા પરિવાર સહીત સમગ્ર હીરા ઉદ્યોગ શોકાતુર બન્યો છે. શ્રીમતિ સુનિતાબેનના અવસાનથી દીકરી કીંજલ બેન તથા 2 દીકરાઓ નીતીનભાઈ તથા મિતેશભાઈએ પ્રેમાળ માતાની હુંફ ગુમાવી છે. 3 સંતાનોની માતા સુનિતાબેન પરોપકારી સ્વભાવના હતા.

પરિવાર પ્રત્યે અનન્ય લાગણી ધરાવતા સુનિતાબેને તેમના ત્રણેય સંતાનોમાં સુસંસ્કારોનું સિંચન કર્યુ છે. દીકરી કીંજલબેનની સમાજ-સેવાની સુવાસ ચારેકોર ફેલાયેલી છે. જમણા હાથે સમાજસેવા કરે તો ડાબા હાથને પણ જાણ ન થાય એ રીતે દીકરી કીંજલબેને હોસ્પીટલના બિછાને પડેલા તેમજ આર્થિક સ્થિતિ ધરાવતા હજારો પરિવારોને સામેથી હોસ્પીટલમાં જઈને મદદ કરી છે.