સોશિયલ મીડિયા પર પ્રખ્યાત થયેલ ‘બાબા કા ઢાબા’ના માલિક કાંતા પ્રસાદે કરી આત્મહત્યાની કોશિશ

કોરોના સમયગાળા દરમિયાન ચર્ચામાં આવેલા ‘બાબા કા ઢાબા’ ના માલિક કાંતા પ્રસાદે આત્મહત્યા કરવાનો પ્રયાસ કર્યો છે. દિલ્હીના માલવીયા નગર વિસ્તારમાં રહેતા કાંતા પ્રસાદે દારૂ પીધા પછી નિંદ્રાની ગોળી લીધી હતી અને આત્મહત્યા કરવાનો પ્રયાસ કર્યો હતો. મળતી માહિતી મુજબ આ મામલો ગુરુવારે રાત્રે લગભગ 10 વાગ્યાનો છે. જ્યારે કાંતા પ્રસાદે નશો કરતી વખતે સૂવાની ગોળીઓ ખાધી હતી.

મોડી રાત્રે કાન્તા પ્રસાદને દિલ્હીની સફદરજંગ હોસ્પિટલમાં દાખલ કરવામાં આવ્યા હતા. હવે બાબા કાંતા પ્રસાદ ખતરાથી બહાર છે. પોલીસને આ અંગેની માહિતી હોસ્પિટલમાંથી જ મળી હતી.

થોડા સમય પહેલાં જ યુટ્યુબર ગૌરવ વાસન ફરી એક વાર કાંતા પ્રસાદને મળવા પહોંચ્યો હતો અને તેની બધી ફરિયાદો બાબાથી દૂર કરી દીધી હતી. હકીકતમાં ગૌરવ ઉપર લગાવવામાં આવેલા આક્ષેપો બાદ મોટી સંખ્યામાં લોકોએ બાબાના ઢાબા જવાનું બંધ કરી દીધું હતું. ત્યારબાદ કાંતા પ્રસાદે પણ માફી માંગી લીધી હતી.

Delhi | Kanta Prasad, 80 y/o owner of ‘Baba Ka Dhaba’ was admitted to Safdarjung Hospital last night. He had brought in an unconscious condition after he consumed alcohol & sleeping pills. Statement of his son has been recorded for the same. Probe on: DCP South Atul Thakur

— ANI (@ANI) June 18, 2021