બોલીવુડના કલાકાર આખા વર્ષમાં નથી કમાતા એટલું એકજ ફિલ્મમાં કમાઈ લે છે સાઉથનો આ હીરો

30 ઓગસ્ટના રોજ પ્રભાસની ફિલ્મ ‘સાહો’ રિલીઝ થવાની છે. આ ફિલ્મથી શ્રદ્ધા કપૂર તેલુગુ ઈન્ડસ્ટ્રીમાં ડેબ્યૂ કરી રહી છે. સુજીતની આ ફિલ્મને વર્ષ 2019ની સૌથી મોટી ફિલ્મ માનવામાં આવે છે. આ પાવર પેક્ડ થ્રિલર ફિલ્મ માટે પ્રભાસને બહુ મોટી ફી મળી હોવાની હાલમાં ચર્ચા થઈ રહી છે.

100 કરોડ મળ્યાં હોવાની ચર્ચા

મીડિયા રિપોર્ટ્સ પ્રમાણે જાણવામાં આવ્યું છે કે, પ્રભાસને આ ફિલ્મ માટે મેકર્સે મસમોટી રકમ આપી છે. પ્રભાસને આ ફિલ્મ માટે 100 કરોડ રૂપિયાની ફી મળી હોવાની ચર્ચા છે. જો આ વાત સાચી હોય તો પ્રભાસ ભારતનો સૌથી મોંઘો એક્ટર બનશે. તે રજનીકાંત, સલમાન ખાન, અક્ષય કુમાર તથા શાહરુખ ખાનને હાઇએસ્ટ પેડ એક્ટરની યાદીમાં ક્યાંય પાછળ મૂકી દેશે. પહેલાં એમ કહેવામાં આવતું હતું કે પ્રભાસને ‘સાહો’ના રિલીઝ બિઝનેસનો 50 ટકા હિસ્સો મળશે. જોકે, આ અંગે કોઈ ઓફિશિયલ જાહેરાત કરવામાં આવી નથી.