જ્યારે ડીએમ પહેલી વખત ગામમાં પહોંચ્યા,ત્યારે લોકોએ ખુશીથી પાલખી ઉપર બેસાડીને 600 મીટર સુધી તેને ફેરવ્યો..

મિઝોરમના સિયાહા જિલ્લાના તિસોપી ગામ ના લોકોએ રવિવારે ડીએમ ચૌધરીને પાલખી ઉપર બેસાડ્યો હતો. અહીં જિલ્લા મેજિસ્ટ્રેટ ભૂપેશ ચૌધરી રસ્તાના કામનું નિરીક્ષણ કરવા 15 કિ.મી. ટ્રેકિંગ કરીને પહોંચ્યા. તેનાથી ખુશ થઇને ગામવાસીઓ તેમને પાલખી પર બેસાડીને 600 મી. સુધી લઇ ગયા અને તેમનું ભવ્ય સ્વાગત કર્યું.

આ પહેલી વાર કોઇ ડીએમ ગામમાં પહોંચ્યા હતા. તિસોપી ગામ સિયાહા જિલ્લાના સૌથી અંતરિયાળ ગામો પૈકી એક છે. અહીં પાકા રસ્તા પણ નથી. થોડા દિવસ અગાઉ ભૂપેશ ચૌધરીનું જિલ્લામાં પોસ્ટિંગ થયું તો તેમણે 15 કિ.મી.નો રસ્તો બનાવવા આદેશ આપ્યો, જેનું કામ પણ શરૂ થઇ ગયું. ભૂપેશ ચૌધરી તેનું જ નિરીક્ષણ કરવા ત્યાં પહોંચ્યા. આ રસ્તો પ્રધાનમંત્રી ગ્રામ સડક યોજના હેઠળ બનાવાઇ રહ્યો છે.