આ ગુજરાતી ડોક્ટર મહિલાઓને મોટી બીમારીથી ડરાવી કરતો હતો જાતીય શોષણ

લંડનમાં રહી આ ગુજરાતી ડોક્ટર કરી રહ્યો હતો જાતીય શોષણ. આ ડોક્ટરનું નામ માનીશ શાહ છે, જે મહિલાઓને ભારે બીમારીના નામે ડરાવી ડરાવી કરતો હતો જાતીય શોષણ.

પૂર્વ લંડનના રોમફોર્ડના ભારતીય ડૉક્ટર મનીષ શાહને કોર્ટ દ્વારા જાતીય શોષણના કેસમાં દોષિત જાહેર કરવામાં આવ્યો છે. માનીશ શાહે 23 જેટલી મહિલાઓના જાતીય શોષણ કર્યું છે. આવતી 7 ફેબ્રુઆરી 2020ના રોજ કોર્ટ દ્વારા તેને સજા સંભળાવવામાં આવશે. જે 23 કેસમાં ડૉક્ટર મનીષ દોષિત જાહેર કરવામાં આવ્યો છે તેમાંથી 6 મહિલા દર્દીઓનું ડોકટરે શારીરિક શોષણ પણ કર્યું હતું અને મહિલાઓના ગુપ્તાંગના ભાગે અડપલા પણ કર્યા છે.

કોર્ટની કાર્યવાહીના સમયે એવી જાણકારી મળી હતી કે, ડૉક્ટર મનીષ શાહ મહિલા દર્દીઓને હોલીવૂડ સેલીબ્રીટી એન્જેલિના જોલીની કેન્સરની ઘટના સંભળાવતો હતો અને કેન્સરની બીમારીનો ડર આપીને મહિલા દર્દીઓના બ્રેસ્ટ અને ગુપ્તાંગની તપાસ કરતો હતો. ડૉક્ટર મનીષ શાહ મહિલા દર્દીઓને કહેતો હતો કે, એન્જેલિના જોલીની આગમચેતીના ભાગ રૂપે તેના બ્રેસ્ટની તપાસ કરાવતી હતી. શું તમે પણ એન્જેલિના જોલીની જેમાં તમારા સ્તનની તપાસ કરાવવા માંગો છો.