ગાયનું દૂધ પીવું પડ્યું ભારે: એક જ પરિવારના 13 લોકોને લેવા પડ્યા ઇન્જેક્શન- જાણો સમગ્ર ઘટના

હાલમાં એક એવી ઘટના સામે આવી છે કે, જેને જાણીને તમને ખુબ આઘાત લાગશે. ઉદયપુરમાં ગાયનું દૂધ પીવાને લીધે એક જ પરિવારનાં 5 બાળકો સહિત 13 સભ્યને હડકવાનું ઈન્જેક્શન લગાવવું પડ્યું હતું. કારણ કે, પરિવાર દ્વારા જે ગાયનું દૂધ પીધું હતું એને કૂતરું કરડવાથી હડકવા થઈ ગયો હતો. એવા સમયમાં પરિવારને હડકવાનું સંક્રમણ થવાનું જોખમ થયું હતું. કુશાલનગરમાં આવેલ તીતરડી ગામમાંથી આ ઘટના સામે આવી છે.

ગાયનું દૂધ પીનાર પરિવારને હડકવાની રસીની સાથે જ ટિટેનસ વેક્સિનનાં ઈન્જેક્શન લગાવવામાં આવ્યાં છે. CMHO ડો. દિનેશ ખરાડી જણાવતાં કહે છે કે, હાલમાં આ પરિવારના 13 જેટલા સભ્ય હડકવાના જોખમની બહાર છે. કારણ કે, એકપણ સભ્યમાં હડકવાનાં લક્ષણ જોવા મળ્યાં નથી.

પશુપાલન વિભાગના નિયામક ડો. ભૂપેન્દ્ર ભારદ્વાજનું જણાવવું છે કે, ગાયના દૂધને ઉકાળીને પીવાથી હડકવાની બીમારી થવાની શક્યતા પણ પૂર્ણ થઈ જાય છે. જો કે, ચિકિત્સક ચોક્કસપણે આ દાવો નથી કરી શકતા અથવા તો હડકવાગ્રસ્ત ગાયના દૂધથી લોકોને હડકવાની બીમારી નથી થઈ શકતી. હાલમાં આ પરિવારના 13 જેટલા સભ્ય ચિકિત્સા વિભાગની દેખરેખમાં છે.

ગાયની લાળ ટપકી રહી હતી :
ગૌપાલક દેવેન્દ્રસિંહ જણાવતા કહે છે કે, ગાયની લાળ સતત ટપકતી રહી હતી. જ્યારે ડોક્ટર્સને બતાવવામાં આવ્યું તો જાણ થઈ કે, ગાયને કૂતરાના કરડવાથી હડકવા થઈ ગયો હતો. ત્યારબાદ જે લોકોએ ગાયનું દૂધ પીધું હતું તેમને પણ આ અંગે જણાવવામાં આવ્યું હતું.