પીએમ મોદી કે કોવિંદનો ફોટોગ્રાફ ઉપયોગ કરતાં રાખજો સાવચેતી , નહીતો થશે જેલ..

પ્રાઇવેટ કંપનીઓ, સામાજિક સંસ્થાઓ કે કોઇ વ્યક્તિ દ્વારા ખોટી રીતે વડા પ્રધાન નરેન્દ્ મોદી કે રાષ્ટ્રપતિ કોવિંદનો ફોટો વાપરવા સામે કેન્દ્ર સરકારે ચેતવણી ઉચ્ચારી હતી. રાષ્ટ્ર્રીય પ્રતીકો અને નામોનો (ખોટી રીતે કે ગેરકાયદે ઉપયોગ ) ધારો 1950માં જરૂરી સુધારા કરીને એવી ચેતવણી આપવામાં આવી હતી કે વડા પ્રધાન યા રાષ્ટ્રપતિની આગોતરી પરવાનગી વગર જાહેરખબરમાં તેમનું નામ કે ફોટો વાપરનારી સંસ્થાઓને પાંચ લાખ રૂપિયાનો દંડ અને છ માસની જેલ થઇ શકે છે.

જીઓ અને પેટીએમ દ્વારા તસ્વીરોનો ઉપયોગ

રિલાયન્સના જીઓ તથા પેટીએમ દ્વારા તાજેતરમાં વડા પ્રધાનના ફોટો સહિત જાહેરખબરો પ્રકાશિત કરવામાં આવી હતી. વપરાશકારોને લગતી બાબતોના કેન્દ્રીય મંત્ર્યાલયે આ બંને કંપનીઓને કાનૂની નોટિસ મોકલીને પૂછ્યું હતું કે વડા પ્રધાનનો ફોટો કે નામ વાપરવા માટે તમે અગાઉથી પરવાનગી લીધી હતી કે ?