ગુજરાતનું લટકતું ભવિષ્ય, જોખમી મુસાફરી કરીને વિદ્યાર્થીઓ ભણવા- કોણ જવાબદાર?

એકતરફ ગુજરાત સરકારે એસટી બસ માટે સલામત સવારી એસટીની સવારીનું સ્લોગન આપ્યુ છે..તો બીજી તરફ એસટીની સવારી કેટલી સલામત છે મુસાફરો માટે તેની સામે સવાલ ઉભા કરતો આ વીડિયો વાયરલ થયો છે..આ વીડિયો બસમાં બેસેલા એક મુસાફર દ્વારા જ વાયરલ કરવામાં આવ્યો છે.

જેમાં સ્પષ્ટ દેખાય છે કે બસના દરવાજા પર કોલેજ અને શાળાના વિદ્યાર્થીઓ જીવના જોખમે લટકીને મુસાફરી કરતા દેખાઈ રહ્યા છે.આ વીડિયો કામરેજથી કડોદરાના એસટી બસના રૂટનો હોવાની અત્યારે માહિતી છે એ સામે આવી રહી છે. અહીંથી મુસાફરી કરતા લોકોનું એ પણ કહેવું છે કે બસોની ફ્રિકવનસી ઓછી છે.

જેના કારણે જ શાળા કોલેજના વિદ્યાર્થીઓને 50 મુસાફરોની સીટીંગ કેપેસિટી સામે આ રીતે જીવના જોખમે મુસાફરી કરવાનો વારો આવે છે. મહત્વની વાત તો એ છે કે બસના ડ્રાઇવર કે કંડકટર દ્વારા પણ ઓવર કેપેસિટીમાં મુસાફરો હોય છતા પણ અને દરવાજા પર જીવના જોખમે વિદ્યાર્થીઓ લટકેલા હોય બસને રોકવામાં આવી નહોતી.