હૈદરાબાદમાં થયેલ રેપ અને મર્ડર કેસમાં થયો ખુલાસો,આખી ઘટના હતી પ્રીપ્લાન્ડ….

હૈદરાબાદમાં વેટનરી ડોકટરના મર્ડર કેસ અને તે બાદ વધુ એક મૃતદેહ મળતા સમગ્ર દેશમાં રોષની લાગણી જોવા મળી રહી છે. પોલીસે વેટનરી ડોકટરના હત્યા મામલે મુખ્ય આરોપી સહિત 4 લોકોની ધરપકડ કરી છે. ત્યારે આ કેસની અનેક કડીઓ સામે આવી છે. વેટનરી ડોકટરની સાથે રેપ અને મર્ડર કેસમાં ખુલાસો થયો છે.

મળતી જાણકારી મુજબ મહિલા ડોકટર સાથેનો રેપ એક ષડયંત્ર અંતર્ગત કરાયો છે. પહેલાં મહિલા સ્કૂટરમાં પંચર કરવામાં આવ્યું તેઓ જ્યારે પરત આવી ત્યારે પંચર બનાવવાનું બહાનું બતાવી ગેંગરેપ કરી તેનું મર્ડર કરવામાં આવ્યું. જાણકારી મુજબ વેટનરી ડોકટર સાંજે 5-30 વાગ્યાની આસપાસ પોતાના ઘરેથી નીકળી ટોંદુપલ્લી ટોલ ગેટ પાસે સાંજે 6 વાગ્યે સ્કૂટર પાર્ક કરી ત્યાંથી ગચી બોલીમાં પોતાના ક્લીનિક ગઈ હતી.

આ વચ્ચે ત્યાં ઉભેલા એક ટ્રકની સાથે ચાર લોકો ઊભા હતા જેમને જ આ ષડયંત્ર રચ્યું હતું. મહિલા ડોકટર પરત ફરે તે પહેલાં જ તેના સ્કૂટીમાં પંકચર કરી દીધું હતું. વેટરની ડોકટર જ્યારે રાત્રે 9 પરત ફરી ત્યારે તેના સ્કૂટીમાં પંચર જોયુ, ત્યારે તેને મદદની જરૂર પડો તો તેને પોતાની બહેનને ફોન કર્યો અને જણાવ્યું કે ટ્રકવાળાથી તેને ડર લાગી રહ્યો છે.