કેનેડા-યુએસ બોર્ડર પર 4 ભારતીયોના મોત- તમામ ગુજરાતના પટેલ પરિવારના હોવાની આશંકા

ભારત સરકારે યુએસ-કેનેડા બોર્ડર(US-Canada border) પર ચાર ભારતીયોના મોત(Death of four Indians)ની માહિતી માંગી છે. વિદેશ મંત્રી એસ જયશંકરે(S. Jaishankar) આ મામલે કેનેડા સરકાર(Government of Canada) પાસેથી રિપોર્ટ માંગ્યો છે. વિદેશ મંત્રીએ શુક્રવારે યુએસ-કેનેડા સરહદ પર ચાર ભારતીય નાગરિકોના પરિવારના ઠંડીથી મૃત્યુ પામ્યા બાદ શોક વ્યક્ત કર્યો હતો અને યુએસ અને કેનેડામાં ભારતીય રાજદૂતોને પરિસ્થિતિ પર તાત્કાલિક પગલાં લેવા નિર્દેશ આપ્યો હતો. સત્તાવાળાઓ માને છે કે ઉક્ત પરિવારને આ ઠંડીનો ભોગ બનવું પડ્યું હતું જ્યારે તેઓએ હિમવર્ષા(Snowfall)માંથી પસાર થવાનો અસફળ પ્રયાસ કર્યો હતો.

Shocked by the report that 4 Indian nationals, including an infant have lost their lives at the Canada-US border. Have asked our Ambassadors in the US and Canada to urgently respond to the situation.

— Dr. S. Jaishankar (@DrSJaishankar) January 21, 2022

મેનિટોબા રોયલ કેનેડિયન માઉન્ટેડ પોલીસ (RCMP) એ ગુરુવારે જણાવ્યું હતું કે બુધવારે ઇમર્સન નજીક કેનેડા-યુએસ સરહદની કેનેડિયન બાજુએ ચાર મૃતદેહો મળી આવ્યા હતા, જેમાંથી બે પુખ્ત વયના, એક કિશોર અને એક નવજાત શિશુના હતા. આ ઉપરાંત મૃતકો ઉત્તર ગુજરાતના પટેલ પરિવારના હોવાનું પ્રથમ તપાસમાં સામે આવ્યું છે.

જયશંકરે ટ્વીટ કર્યું, “કેનેડા-યુએસ બોર્ડર પર એક બાળક સહિત 4 ભારતીય નાગરિકોએ જીવ ગુમાવ્યો તે જાણીને આઘાત લાગ્યો. અમે યુએસ અને કેનેડામાં અમારા રાજદૂતોને પરિસ્થિતિ પર તાત્કાલિક પગલાં લેવા જણાવ્યું છે.