મંદીના માહોલ વચ્ચે સુરતના રત્નકલાકાર પરિવારે કર્યો આપઘાતનો પ્રયાસ: માતા-દીકરીનું મોત, પિતા-પુત્ર ગંભીર

Family of Surat committed suicide: ગુજરાત (Gujarat) માં દિવસેને દિવસે આપઘાતની સંખ્યામાં વધારો થઈ રહ્યો છે. કોઈક પારિવારિક સમસ્યાથી કંટાળીને, તો કોઈક ધંધાકીય સમસ્યાથી કંટાળીને પોતાનો જીવ ટૂંકાવી રહ્યા છે. ત્યારે સુરત શહેરમાંથી આવી જ એક આપઘાતની ઘટના સામે આવી છે. છેલ્લા ઘણા સમયથી ડાયમંડ સિટી સુરત (Diamond City Surat) માં મંદીનું મોજુ ફરી વળ્યું છે. મંદીના માહોલ વચ્ચે મધ્યમ પરિવારના લોકોની સ્થિતિ વધુ કપરી બની છે. ત્યારે સુરતમાં એક જ પરિવારના ચાર લોકોએ સામુહિક આપઘાતનો પ્રયાસ કરતા પત્ની, પુત્રી અને પુત્રનું મોત થતા રાજ્યભરમાં ચકચાર મચી જવા પામ્યો છે.

પિતા, પુત્ર, માતા અને પુત્રીનો સામુહિક આપઘાત
મૂળ ભાવનગરના સિહોર તાલુકાના વતની અને હાલ સુરતના યોગીચોક વિસ્તારમાં રહેતો પરિવાર રત્નકલાકાર તરીકે કામ કરીને ગુજરાન ચલાવતો હતો. આ પરિવારે ઘર નજીક આવેલી અવવારું જગ્યામાં સામુહિક આપઘાતનો પ્રયાસ કર્યો હતો.

પરિવારના દરેક સભ્યો પિતા, પુત્ર, માતા અને પુત્રીએ સામુહિક ઝેરી દવા પીને આપઘાતનો પ્રયાસ કર્યો હતો. આ ઘટનાની જાણ થતા જ પરિવારના અન્ય સભ્યો ચારેય લોકોને તાત્કાલિક સારવાર અર્થે નજીકની હોસ્પિટલમાં લઈ ગયા હતા. જ્યાં સારવાર દરમિયાન પરિવારના બે સભ્યો શારદાબહેન, તેમની દીકરી અને દીકરાનું કરુણ મોત થયું હતું.