ખેડૂત નેતા રાકેશ ટિકૈતનું મોટું નિવેદન: આ તારીખથી સમગ્ર દેશમાં ‘ખેડૂત લોકડાઉન’, કોઈ બહાર ન નીકળે

ત્રણ નવા કૃષિ કાયદા(Agricultural law) પસાર થયાને એક વર્ષ વીતી ગયું છે. ખેડૂત લગભગ એક વર્ષથી આ કાયદાઓનો વિરોધ કરી રહ્યો છે. દેશભરના ખેડૂતોએ દિલ્હીની સરહદો પર આંદોલન(Movement) કરી રહ્યા છે. તે જ સમયે, ખેડૂતો વિવિધ રાજ્યોમાં પણ ઠેક ઠેકાણે વિરોધ કરી રહ્યા છે. દરમિયાન, સંયુક્ત કિસાન મોરચાએ 27 સપ્ટેમ્બરે ભારત બંધનું એલાન કર્યું છે. યુનાઈટેડ કિસાન મોરચા(United Kisan Morcha) સિવાય અન્ય ઘણા ખેડૂત સંગઠનો પણ આ વિરોધમાં સામેલ છે.

સમાચાર એજન્સી પીટીઆઈ અનુસાર, ખેડૂતોએ કહ્યું કે વિરોધ શાંતિપૂર્ણ રહેશે અને ખેડૂતો સુનિશ્ચિત કરશે કે લોકોને કોઈ અસુવિધાનો સામનો ન કરવો પડે. “એસકેએમએ ઘટક સંગઠનોને સમાજના તમામ વર્ગોને ખેડૂતો સાથે હાથ મિલાવવા અને બંધનું આગોતરું અભિયાન અપીલ કરવા જણાવ્યું છે જેથી જાહેર જનતાને પડતી તકલીફ ઓછી થાય. બંધ શાંતિપૂર્ણ અને સ્વૈચ્છિક હશે અને કટોકટી સેવાઓને મુક્તિ આપશે.”

SKM એ એક નિવેદનમાં જણાવ્યું હતું કે, ભારત બંધ દરમિયાન ખેડૂતો દ્વારા કેન્દ્ર અને રાજ્ય સરકારની કચેરીઓ, બજારો, દુકાનો, કારખાનાઓ, શાળાઓ, કોલેજો અને અન્ય શૈક્ષણિક સંસ્થાઓને કામ કરવાની મંજૂરી આપવામાં આવશે નહીં. આ બંધ સવારે 6 વાગ્યે શરૂ થશે અને 4 વાગ્યા સુધી અમલમાં રહેશે. સાર્વજનિક અને ખાનગી પરિવહનને રસ્તાઓ પર ચાલવા દેવામાં આવશે નહીં. બંધ દરમિયાન કોઈ જાહેર મેળાવડાને મંજૂરી આપવામાં આવશે નહીં અને માત્ર એમ્બ્યુલન્સ અને ફાયર સર્વિસ સહિતની ઈમરજન્સી સેવાઓ જ કાર્ય કરી શકશે.

SKM એ કહ્યું કે બંધ માટે આગળના માર્ગની યોજના બનાવવા માટે 20 સપ્ટેમ્બરે મુંબઈમાં ‘રાજ્ય-સ્તરની તૈયારી બેઠક’ યોજાશે. તે જ દિવસે, ઉત્તર પ્રદેશના સીતાપુરમાં ‘કિસાન મઝદૂર મહાપંચાયત’ અને ત્યારબાદ 22 સપ્ટેમ્બરે ઉત્તરાખંડના રૂરકીમાં ‘કિસાન મઝદૂર મહાપંચાયત’ નું આયોજન કરવામાં આવશે.