ભણવા માટે ઘર પણ ગીરવી રાખ્યું, આજે દીકરો છે IAS ઓફિસર- વાંચવા જેવી છે આ સફળ કહાની

રાજેશ પાટિલ વર્ષ 2005માં ઓડિશા કેડરમાંથી IAS બન્યા હતા. તે હાલમાં મહારાષ્ટ્રના પિંપરી ચિંચવાડ મ્યુનિસિપલ કોર્પોરેશનના કમિશનર છે. તે જલગાંવ જિલ્લાના ગરીબ પરિવારમાંથી છે તેમનું એક પુસ્તક પણ છે જેનું નામ ”Tai mi Collectory vhayanu” (मां मैं कलेक्टर बन गया) છે. રાજેશના પરિવાર પર ઘણું દેવું હતું. આવી સ્થિતિમાં રાજેશ નાનપણથી જ ઘરની જવાબદારીઓમાં વ્યસ્ત હતા.

તે ત્રણ બહેનોમાં એક ભાઈ છે. કુવાની મદદથી તેની ત્રણ એકર જનીનમાં ખેતી કરવામાં આવતી હતી. તે વરસાદના પાણી પર જ આધારીત રહેતા હતા. ઘરની આવક પણ વધારે ન હતી. આવી સ્થિતિમાં, તેમણે શાળા છોડી દીધી અને બીજાના ખેતરમાં પણ કામ કરતા હતા. તે ભણવામાં હોશિયાર હતા. પરંતુ, તે કામમાં ઘણો સમય પસાર કરતા હતા. તેમ છતાં આજે તે સમર્પણ અને સખત મહેનતથી એક કલેક્ટર છે.

તે કહે છે કે, નાનપણમાં મને સમજાયું હતું કે, ગરીબીમાંથી બહાર આવવાનો એકમાત્ર રસ્તો શિક્ષણ છે. આવી પરિસ્થિતિમાં હું ગમે તેટલો થાકી ગયો હોવ તો પણ હું ભણતો હતો. આ દરમિયાન મારી માતાએ મને અભ્યાસ તરફ આકર્ષિત કરવામાં મોટી ભૂમિકા ભજવી હતી.