પિતાએ સાત વર્ષના બાળકનું ગળું દબાવી પતાવી દીધો- બીજી પત્નીએ ફોનમાં કહ્યું હતું ‘તારો દીકરો સાથે રહેશે તો હું…’

Father Killed Child in Indore: ઈન્દોર (Indore) માં એક યુવકે તેના 7 વર્ષના પુત્રનું ગળું દબાવીને હત્યા કરી નાખી હોવાની ઘટના પ્રકાશમાં આવી છે. સોમવારે સવારે દાદીએ બાળકને બેભાન અવસ્થામાં જોયો અને પરિવારજનોને જાણ કરી હતી. બાળકના કાકાએ પોલીસને જણાવ્યું કે બાળકના પિતાને રવિવારે રાત્રે તેની સાવકી માતાનો ફોન આવ્યો હતો. તેણે ધમકી આપી હતી કે કાં તો પહેલી પત્નીના પુત્ર પ્રતીક સાથે રહે અથવા મારી સાથે રહે. ઘટના બાદથી આરોપી પિતા ફરાર છે.

ઘટના તેજાજી નગર પોલીસ સ્ટેશન વિસ્તાર હેઠળના લિંબોડીની છે. પરિવારે પોલીસને જણાવ્યું કે, રવિવારે રાત્રે 10 વાગ્યે 7 વર્ષનો પ્રતિક તેના પિતા શશિકાંતના રૂમમાં ગયો અને સૂઈ ગયો. સવારે તે ઘણા સમય સુધી ન જાગ્યો ત્યારે દાદી રૂમમાં પહોંચ્યા. અહીં દાદીએ શશિકાંતને બોલાવ્યો પરંતુ પુત્ર ઘરે ન હતો. જ્યારે દાદીએ પૌત્ર પ્રતીકને ઉપાડ્યો ત્યારે તેણે પણ જવાબ આપ્યો ન હતો.

તેના શરીરમાં કોઈ હલચલ ન હતી. તેના ગળા અને મોઢા પર પણ હુમલાના નિશાન હતા. આ જોઈને દાદીમાએ બૂમ પાડી. દાદીનો અવાજ સાંભળીને પરિવારજનો અને આસપાસના લોકો એકઠા થઈ ગયા. પ્રતિકને લઈને બધા હોસ્પિટલ પહોંચ્યા, ત્યાં બીબોએ તેને મૃત જાહેર કર્યો હતો. ત્યાર બાદ પોલીસે ઘરના સભ્યો સાથે પૂછપરછ કરી રહી છે.

દાદીમા ક્રિષ્નાબાઈએ પોલીસને જણાવ્યું કે તેણે શશિકાંતને રાત્રે તેની પત્ની પાયલ સાથે વાત કરતા સાંભળ્યો હતો. પત્ની સાથે વાત કરતાં તે ઘરની બહાર ફરવા ગયો હતો. થોડીવાર પછી પાછો આવ્યો અને તે પણ એ જ રૂમમાં સુઈ ગયો જ્યાં પ્રતિક સુતો હતો. ક્રિષ્નાબાઈએ કહ્યું કે મને ખબર નથી કે તે શું વાત કરી રહ્યો હતો. બંને વચ્ચે બોલાચાલી થતી હતી અને પુત્ર શશીકાંત અવારનવાર બહાર વાત કરવા માટે જતો હતો.