મુસાફરો ભરેલી બસમાં અચાનક લાગી ગઈ આગ- જુઓ વિડીયો

સુરતમાં ઉનાળાની શરૂઆત થાય એ પહેલા જ વધુ એક BRTS બસમાં આગ લાગવાનો બનાવ સામે આવ્યો છે. સુરત સીમાડા નાકા વિસ્તારમાંથી પસાર થઇ રહેલી  BRTS બસમાં અગમ્ય કારણોસર અચાનક આગ લાગતા આસપાસના વિસ્તારમાં નાસ ભાગ મચી જવા પામી હતી. નજરે જોનારાઓનું માનીએ તો શોટ સર્કિટ થી આગ લાગવાનું અનુમાન લગાવાય રહ્યું છે.

ગણતરીની સેકન્ડ માં જ સામાન્ય આગે આખી બસ ને જ્વાળાઓમાં સમાવી લીધી અને બસ સળગવા લાગી હતી. ફાયર ફાઈટરની ટીમ ઘટના સ્થળે પહોચીને બસની આગ બુઝાવવાના કામે લાગી ગઈ છે. સદનસીબે સમયસુચકતાને કારણે બસમાં સવાર તમામ લોકો નીચે ઉતરી જતા મોટી જાનહાની ટળી હતી.

પ્રત્યક્ષદર્શી એ જણાવ્યું કે ડ્રાઈવરને ધુમાડો દેખાતા ની સાથે જ બસનો મેઈન ગેટ ખોલીને પેસેન્જરોને સુરક્ષિત રીતે ઉતારી દીધા હતા. તેમના જણાવ્યા પ્રમાણે આ બીઆરટીએસ બસમાં ૯ જેટલા પેસેન્જર હતા. જોકે ડ્રાઈવર ની સાવચેતી ને કારણે આ નવ જેટલા પેસેન્જરોનો સુરક્ષિત રીતે બચાવ થયો હતો. નાયકે જણાવ્યું હતું કે બસ ડ્રાઈવર નું નામ કિરણ દેસાઈ છે.