ફરીએકવાર હોસ્પીટલની બેદરકારીથી 13 કોરોના દર્દીઓ ભયંકર આગમાં હોમાઈ ગયા- જાણો ક્યા શહેરમાં સર્જાઈ આ ઘટના

કોરોના સંકટ વચ્ચે મહારાષ્ટ્રની હોસ્પિટલોમાં એક પછી એક મોટા અકસ્માતો થઈ રહ્યા છે. નાસિકની ઝાકિર હુસેન હોસ્પિટલમાં ઓક્સિજન લિકેજને કારણે 22 કોરોના દર્દીઓનાં મોતનો મામલો હજુ ઠંડો નથી પડ્યો ત્યાં તો મુંબઈના વિરારમાં વિજય વલ્લભ હોસ્પિટલમાં આગ લાગી. આ આગમાં 13 કોરોના દર્દીઓનાં મોત નીપજ્યાં છે.

Maharashtra | 13 people have died in a fire that broke out at Vijay Vallabh COVID care hospital in Virar, early morning today pic.twitter.com/DoySNt4CSQ

— ANI (@ANI) April 23, 2021

શુક્રવારે વહેલી સવારે મુંબઈના વિરાર સ્થિત વિજય વલ્લભ હોસ્પિટલમાં લાગેલી આગમાં 13 જેટલા કોવિડ દર્દીઓ બળીને ખાખ થઈ ગયા હતા. ફાયર વિભાગના જણાવ્યા અનુસાર, હોસ્પિટલના આઈસીયુમાં 17 દર્દીઓની સારવાર કરવામાં આવી રહી હતી, શોર્ટ સર્કિટમાંથી સવારે ત્રણ વાગ્યે આગ ફાટી નીકળી હતી, આગને સાડા પાંચ વાગ્યે કાબૂમાં લેવામાં આવી હતી.

પ્રાપ્ત માહિતી અનુસાર વિજય વલ્લભ હોસ્પિટલના દર્દીઓ નજીકની હોસ્પિટલમાં દાખલ કરવામાં આવી રહ્યા છે. ઉચ્ચ અધિકારીઓ ઘટના સ્થળે પહોંચી રહ્યા છે. હમણાં સુધી, હોસ્પિટલ મેનેજમેન્ટની બેદરકારી અંગે કોઈ કાર્યવાહી કરવામાં આવી નથી. મુખ્યમંત્રી ઉદ્ધવ ઠાકરેએ તપાસના આદેશ આપ્યા છે.