કોરોના મહામારીના ચાર મહિના બાદ પહેલી વાર માસ્ક પહેરીને જોવા મળ્યા ટ્રમ્પ- કહી આ મોટી વાત

અમેરિકાના રાષ્ટ્રપતિ ડોનાલ્ડ ટ્રમ્પ શનિવારે વાર વખત જાહેરમાં માસ્ક પહેરેલા જોવા મળ્યા છે. તેઓ રીડ મિલિટ્રી હોસ્પિટલમાં દાખલ કરવામાં આવેલા ઘાયલ જાવાનોને મળવા ગયા હતા. તેમણે કાળું માસ્ક પહેર્યું હતું અને તેની પર પ્રેસિડેન્શિયલ સિમ્બોલ લાગેલો હતો. મીડિયાએ તેમને માસ્ક પહેવરવા અંગે સવાલ કર્યો તો તેમણે કહ્યું કે હું ક્યારેય માસ્ક પહેરવાની વાતનો વિરોધી નથી રહ્યો. તેમણે આ મુદ્દે કહ્યું કે માસ્કને પહેરવાનો ચોક્કસ સમય અને જગ્યા હોય છે.

ટ્રમ્પે આગળ જણાવતા કહ્યું કે તમને એ વાતનો ખ્યાલ હોવો જોઈએ કે મારી પાસે હમેશાં એક માસ્ક હોય જ છે. મારું માનવું છે કે જ્યારે તમે હોસ્પિટલમાં જાવા છો અને ખાસ કરીને જ્યારે કોઈ સૈનિક સાથે તમારે વાત કરવાની હોય છે, જેનું તાજેતરમાં જ ઓપરેશન કરવામાં આવ્યું હોય તો આવા સંજોગોમાં માસ્ક પહેરવું સારું બની રહે છે.

ટ્રમ્પ પર દબાણ વધ્યું

સીએનએનના રિપોર્ટ મુજબ વ્હાઈટ હાઉસના સહયોગીઓ અને રાજકીય સલાહકારોના અભિયાનના કારણે ટ્રમ્પે માસ્ક પહેરવાનો નિર્ણય લીધો છે. ટ્રમ્પની સાથેના બીજા સ્ટાફે પણ કાળા માસ્ક પહેર્યા હતા.