ગાંધીનગર જઈ રહેલા પાલિકાના ચાર કર્મચારીને નડ્યો કાળમુખો અકસ્માત, બે કર્મીઓના મોત

તાજેતરમાં દેવભૂમિ દ્વારકા(Dwarka) જિલ્લામાંથી એક ગમખ્વાર અકસ્માત સામે આવ્યો છે. જેમાં બે સરકારી કર્મચારીઓએ જીવ ગુમાવ્યો છે. જેમાં જામરાવલ નગરપાલિકા(Jamrawal Municipality)ના ચાર કર્મચારીઓ કામ માટે ગાંધીનગર(Gandhinagar) જઈ રહ્યા હતા ત્યારે તેમને અકસ્માત(Accident) નડ્યો હતો.

અકસ્માત બાદ એક કર્મચારીનું ઘટનાસ્થળે અને અન્ય કર્મચારીનું જામનગર સિવિલ હૉસ્પિટલ ખાતે સારવાર દરમિયાન મોત નીપજ્યું હતું. પ્રાપ્ત માહિતી અનુસાર, તમામ કર્મચારીઓ બલેનો કારમાં હતા. જેમાં બે કર્મચારીઓના મોત થયા છે. તમામ કર્મચારીઓ વહેલી સવારે ગાંધીનગર જવા રવાના થયા હતા.

આ દરમિયાન બલેનો કાર અર્ટિગા કાર સાથે અથડાઈ હતી. બલેનો કારની પાછળની સીટ પર બેઠેલા બંને કર્મચારીઓના મોત થયા હતા. ઘટનાની જાણ થતાં જ પાલિકા પ્રમુખ સહિતના અધિકારીઓ હોસ્પિટલે પહોંચી ગયા હતા. આ અકસ્માતમાં ટેક્સ વિભાગમાં ફરજ બજાવતા નીતિનભાઈ કાગડિયા અને સેનેટરી ઈન્સ્પેક્ટર મનોજ સિંગરખીયાનું મોત નીપજ્યું હોવાનું સામે આવ્યું છે.