સસ્તું-સસ્તું કરીને હજારો ગુજરાતીઓ પાસેથી પડાવી લીધા લાખો રૂપિયા, જાણીલો તમે તો નથી બન્યાને શિકાર!

હાલમાં કોરોનાની મહામારી ચાલી રહી છે. લોકો ઘરે બેઠાં જ તમામ વસ્તુઓ મંગાવી લેતાં હોય છે. જયારે સમગ્ર દેશમાં લોકડાઉન થયું હતું ત્યારે ઘણાં લોકોની સાથે કોઈને કોઈ રીતે પૈસાની છેતરપીંડી કરવામાં આવી હતી. ઘણાં લોકોએ આની વિરુદ્ધ ફરિયાદ પણ નોધાવી હતી. પરંતુ હાલમાં જ આવી એક ઘટના રાજ્યમાંથી ફરી પાછી સામે આવી રહી છે.

સસ્તાં ભાવમાં મોબાઈલ, લેપટોપ તેમજ LED TV જેવાં ઇલેક્ટ્રોનિક સાધનો આપવાની ટેલિગ્રામ એપ્લિકેશન પર જાહેરાત મૂકીને લોકોની સાથે છેતરપિંડી કરતાં કુલ 3 શખ્સની સોલા પોલીસ દ્વારા ધરપકડ પણ કરવામાં આવી છે. આરોપીઓ ઓનલાઇન પૈસા QR કોડ સ્કેન કરીને પોતાનાં ખાતામાં જમા કરાવતાં હતાં તેમજ ત્યારપછી કુલ 3 દિવસે વસ્તુ આવી જશે એમ કહીને ફોન પણ બ્લોક કરી દેતાં હતાં.

કુલ 1,100 લોકોની સાથે રૂપિયા18 લાખની છેતરપિંડી કરી હોવાનું બહાર આવી રહ્યું છે. સોલા પોલીસ દ્વારા આરોપીઓની વધુ પૂછપરછ પણ શરૂ કરી દેવામાં આવી છે. સોલા પોલીસ સ્ટેશનનાં PSI J.J.રાણાને જાણ થઈ હતી કે, ચાંદલોડીયા વિશ્વકર્મા મંદિરની નજીક શ્રીજી પાન પાર્લર પર ઘણાં શખ્સ ટેલિગ્રામ એપ્લિકેશન પર સસ્તા ભાવે મોબાઈલ, લેપટોપ તેમજ LED TV જેવાં ઇલેક્ટ્રોનિક સાધનો આપવાની જાહેરાત મૂકીને લોકોની સાથે છેતરપિંડી કરે છે.

જેથી પોલીસે આ ત્રણેયને ઝડપી પાડ્યા હતાં. પોલીસે પૂછપરછ કરતાં જ ટેલિગ્રામમાં પોતાની ચેનલ બનાવીને મોબાઈલ, લેપટોપ તથા LED TV જેવાં ઇલેક્ટ્રોનિક સાધનો આપવાની લાલચ આપતાં તેમજ જો ગ્રાહક યુઝરનેમ પર ક્લિક કરે તો પણ મેસેજથી એની સાથે વાત પણ કરતાં હતાં.