હવામાન વિભાગે કરી હીટવેવની મોટી આગાહી: ગુજરાતીઓ કાળજાળ ગરમીમાં શેકાવા થઇ જાવ તૈયાર – જાણો કેટલા ડીગ્રી રહેશે તાપમાન

ઉત્તર ભારત (North India)માં ફરી એકવાર ગરમી (Heat)નો કહેર વધવા લાગ્યો છે. રાજધાની દિલ્હી (Delhi)માં મહત્તમ તાપમાનમાં સતત વધારો નોંધાઈ રહ્યો છે. હવામાન વિભાગે આજે ​​રાજસ્થાન(Rajasthan), દિલ્હી સહિત ઘણા રાજ્યો માટે હીટવેવની ચેતવણી જારી કરી છે. હવામાન વિભાગના જણાવ્યા અનુસાર, દિલ્હીમાં આજે લઘુત્તમ તાપમાન 28 ડિગ્રી સેલ્સિયસ રહેવાનું છે, જ્યારે મહત્તમ તાપમાન 44 ડિગ્રી સેલ્સિયસ સુધી જશે. દેશની રાજધાનીમાં આજે પણ હીટવેવ તબાહી મચાવશે.

ગુજરાતના અમદાવાદની વાત કરીએ તો આજે લઘુત્તમ તાપમાન 29 ડિગ્રી સેલ્સિયસ જ્યારે મહત્તમ તાપમાન 44 ડિગ્રી સેલ્સિયસ રહેશે. મધ્યપ્રદેશના ભોપાલમાં આજે લઘુત્તમ તાપમાન 26 ડિગ્રી સેલ્સિયસ રહેશે, જ્યારે મહત્તમ તાપમાન 44 ડિગ્રી સેલ્સિયસ સુધી જશે. જો કે, આજે ઉત્તરાખંડમાં મહત્તમ તાપમાન 40 ડિગ્રી સેલ્સિયસથી ઓછું રહેવાનું છે. દેહરાદૂનમાં આજે લઘુત્તમ તાપમાન 22 ડિગ્રી સેલ્સિયસ રહેશે, જ્યારે મહત્તમ તાપમાન 36 ડિગ્રી સેલ્સિયસ સુધી જશે.

આ દિવસોમાં યુપીમાં પણ આકરી ગરમી પડી રહી છે. છેલ્લા ઘણા દિવસોથી તાપમાનનો પારો 40 ડિગ્રીને પાર રહ્યો છે. લખનૌમાં આજે લઘુત્તમ તાપમાન 28 ડિગ્રી સેલ્સિયસ રહેવાનું છે. મહત્તમ તાપમાનની વાત કરીએ તો આજે તે 41 ડિગ્રી સેલ્સિયસ સુધી જશે. બિહારના પટનામાં આજે લઘુત્તમ તાપમાન 28 ડિગ્રી સેલ્સિયસ અને મહત્તમ તાપમાન 39 ડિગ્રી સેલ્સિયસ રહેશે.

આ રાજ્યોમાં આજે ઘણા રાજ્યોમાં હીટવેવ કહેર મચાવી રહ્યો છે, જેના કારણે લોકોને ઘણી મુશ્કેલીઓનો સામનો કરવો પડી રહ્યો છે. આજે રાજસ્થાન, મધ્યપ્રદેશ, હરિયાણા, ગુજરાત, દિલ્હી, પંજાબના વિવિધ ભાગોમાં હીટવેવની આશંકા છે. સ્કાયમેટવેધર અનુસાર, ઘણા રાજ્યોમાં હળવો વરસાદ પણ શક્ય છે. જમ્મુ અને કાશ્મીર, હિમાચલ પ્રદેશ, ઉત્તરાખંડ, છત્તીસગઢ, ઓડિશા, તેલંગાણાના ભાગોમાં પણ હળવો વરસાદ પડી શકે છે.