અફઘાનિસ્તાનના ભાગેડુ રાષ્ટ્રપતિ અશરફ ગની આવ્યા સામે- માફી માંગીને કઈ દીધી આ ખાસ વાત

અફઘાનિસ્તાનને તાલિબાનના ભરોસે દેશને છોડીને ભાગી ગયેલા દેશના ભૂતપૂર્વ રાષ્ટ્રપતિ અશરફ ગનીએ ટ્વીટ કરીને પોતાનો ખુલાસો રજૂ કર્યો છે. ગનીએ બુધવારે એક નિવેદન જારી કરીને અફઘાન લોકોની 15 ઓગસ્ટના રોજ અચાનક દેશ છોડવા અને શાંતિ અને સ્થિરતા સુનિશ્ચિત કરવામાં સમર્થ ન હોવા બદલ માફી માંગી હતી.

અફઘાનિસ્તાનના ભૂતપૂર્વ રાષ્ટ્રપતિ અશરફ ગનીએ ટ્વિટ કર્યું હતું કે, “કાબુલ છોડવું મારા જીવનનો સૌથી મુશ્કેલ નિર્ણય હતો, પરંતુ મારું માનવું હતું કે બંદૂકોને ચૂપ રાખવાનો અને કાબુલના 6 મિલિયન નાગરિકોને બચાવવાનો આ એકમાત્ર રસ્તો છે.” તેમણે કહ્યું કે અફઘાનિસ્તાનના લોકોને છોડવાનો તેમનો ઈરાદો ક્યારેય નહોતો.

અફઘાનિસ્તાનના ભૂતપૂર્વ રાષ્ટ્રપતિ અશરફ ગનીએ આક્ષેપોને ફગાવી દીધા કે, જ્યારે ગની અફઘાન લોકો પાસેથી લાખો ડોલર લઈને દેશ છોડીને ભાગી ગયો ત્યારે ગનીએ કહ્યું કે, આ આરોપો સંપૂર્ણપણે ખોટા છે. ભ્રષ્ટાચાર સામે લડવું એ રાષ્ટ્રપતિ તરીકે મારા પ્રયત્નોનું કેન્દ્ર રહ્યું છે. હું અને મારી પત્ની પ્રામાણિક છીએ. મેં મારી તમામ સંપત્તિ જાહેરમાં જાહેર કરી છે.

Statement 8 September 2021 pic.twitter.com/5yKXWIdLfM

— Ashraf Ghani (@ashrafghani) September 8, 2021