યુવતીએ પ્રેમીને મોકલી સેલ્ફી અને ધસમસતા પ્રવાહ વાળી કેનાલમાં ઝંપલાવી મોતને ભેટી- કારણ હતું ચોંકાવનારૂ

મધ્યપ્રદેશના રીવાથી એક ચોંકાવનારો સમાચાર સામે આવ્યો છે. મોર્નિંગ વોક માટે નીકળી ગયેલી એક યુવતીએ પહેલા તેના પ્રેમીને સેલ્ફી મોકલી હતી અને ત્યારબાદ કેનાલમાં કુદકો મારી આપઘાત કરી લીધો હતો. હવે પ્રેમીને પૂછપરછ માટે બોલાવવામાં આવી રહ્યો છે.

મામલો બિછીયા પોલીસ સ્ટેશન વિસ્તારનો છે જ્યાં એક યુવતી નેહા પટેલ રાની તલાબમાં મોર્નિંગ વોક માટે ઘરની બહાર નીકળી હતી પરંતુ તેનો મૃતદેહ બુધવારે કેનાલમાં મળી આવ્યો હતો.

મરતા પહેલા યુવતીએ તેના બોયફ્રેન્ડ દિલીપ તિવારીના વોટ્સએપ પર સેલ્ફી મોકલી હતી. તે સેલ્ફી સિલપરા કેનાલની હતી, તેથી પ્રેમીએ અકસ્માત ની શંકા થઇ ગઈ હતી. સેલ્ફીમાં યુવતી નહેરના કાંઠે જોવા મળી હતી. તેણે આ અંગે યુવતીના પરિવારજનોને માહિતી આપી હતી.

પરિવારે પોલીસને આખી ઘટના જણાવી હતી. આ પછી પોલીસે સિલપરા કેનાલમાં બચાવ શરૂ કર્યો હતો. કલાકોની મહેનત બાદ લાશને બચાવ દ્વારા બહાર કાઢવામાં આવી હતી.