મોંઘવારીના માર વચ્ચે ખુશીના સમાચાર: સોના-ચાંદીના ભાવમાં થયો જોરદાર ઘટાડો- જાણો આજનો નવો ભાવ

સોના-ચાંદીના ભાવ(Gold-silver prices)માં આજે જોરદાર ઘટાડો(Decline in gold-silver prices) જોવા મળ્યો છે. મલ્ટી કોમોડિટી એક્સચેન્જ(MCX) પર સોનું રૂ.286 સસ્તું થયું છે. આ ઘટાડા સાથે આજે સવારે સોનું રૂ. 48,959.00 પર ટ્રેડ થઈ રહ્યું છે. તે જ સમયે, ચાંદીના ભાવમાં પણ ઘટાડો થયો છે. આજે ચાંદીની કિંમતમાં 759.00 રૂપિયાનો ઘટાડો થયો છે. ચાંદી 65,727.00 પર ટ્રેડ થઈ રહી છે.

બુલિયન માર્કેટમાં 22 કેરેટ સોનાની કિંમત લગભગ 262 રૂપિયા ઘટીને 44,837 રૂપિયા પર ટ્રેડ થતી જોવા મળી હતી. તે જ સમયે, 24 કેરેટ સોનાની કિંમત 48,949 રૂપિયા પર ખુલી છે. આ સિવાય 23 કેરેટ સોનાની સરેરાશ કિંમત 48,753 રૂપિયા હતી. તે જ સમયે, 18 કેરેટનો ભાવ 36,712 રૂપિયા અને 14 કેરેટ સોનાનો ભાવ રૂપિયા 28635 પર પહોંચી ગયો છે. બુલિયન માર્કેટમાં એક કિલો ચાંદીનો ભાવ 65,727 રૂપિયા હતો.

સોનાની શુદ્ધતાને આ રીતે કરો ચેક:
જ્યારે તમે સોના-ચાંદીની ખરીદી કરવા નીકળો ત્યારે સોના-ચાંદીની શુદ્ધતાને તમે તમારી જાતે ચકાસી શકો છો. સરકારે જેમના માટે ‘BIS Care app’ એપ બનાવી છે. જેના આધારે સોનાની શુદ્ધતા ચકાસી શકાય છે. આ એપમાં લાઇસન્સ નંબર અથવા તો તપાસમાં હૉલમાર્ક ખોટો નીકળે તો તાત્કાલિક પણે ગ્રાહકો ફરિયાદ કરી શકે છે. BIS Care Appમાં સામાનનું લાઈસેન્સ, રજીસ્ટ્રેશન અને હોલમાર્ક નંબર જો ખોટો જણાય તો ગ્રાહક આ અંગેની ફરિયાદ પણ કરી શકે છે. આ એપની મદદથી તરત જ ગ્રાહકોની ફરિયાદ દાખલ કરવાની જાણકરી પણ મળી જાય છે.

આ રીતે  મિસ્ડ કોલ કરીને જાણી શકો છો સોનાનો ભાવ:
સોનાનો ભાવ તમે સરળતાથી અને એ પણ ઘરે બેઠા પણ જાણી શકો છો. તેના માટે માત્ર આ નંબર 8955664433 પર મિસ્ડ કોલ કરવો પડશે અને આપના ફોન પર મેસેજ આવી જશે જેમાં તમે સોનાના લેટેસ્ટ ભાવ ચેક કરી શકો છો.