સરકારની સ્પષ્ટતા: 1 જુલાઈ 1987 પહેલાં જન્મેલા અથવા જેમના માતા-પિતાનો જન્મ તે પહેલાંનો તે લોકો ભારતીયો

નાગરિકતા સંશોધન કાયદો અને એનઆરસી વિશે ચાલી રહેલા ઉગ્ર વિરોધ પ્રદર્શન વચ્ચે ગૃહ મંત્રાલય તરફથી કેહવામાં આવ્યું છે. મંત્રાલયના એક સીનિયર અધિકારીએ કહ્યું છે કે, ભારતમાં જેનો જન્મ 1 જુલાઈ 1987 પહેલાં થયો છે અથવા જેમના માતા-પિતાનો જન્મ તે પહેલાં થયો છે તે લોકો કાયદાકીય રીતે ભારતીય નાગરિક છે. નાગરિકતા કાયદો 2019 અથવા એનઆરસી લાગુ થવાના કારણે દેશના લોકોએ ચિંતા કરવાની જરૂર નથી.

નાગરિકતા જન્મ તારીખ અથવા જન્મ સ્થળથી સાબીત કરી શકાય છે

તેમણે કહ્યું છે કે, ભારતની નાગરિકતા જન્મતારીખ અથવા જન્મ સ્થળ અથવા બંનેને લગતા કોઈ પણ સંબંધિત દસ્તાવેજથી સાબીત કરી શકાય છે. આગામી સમયમાં ગૃહ મંત્રાલય નાગરિકતા સાબીત કરવાની પ્રક્રિયાને સરળ બનાવવા માટે કામ કરી રહ્યું છે.