સરકારે નિયમો તો થોપી દીધા પરંતુ સુરત RTO પાસે જ પુરતી તૈયારી નથી…..

સુરત આરટીઓના એચએસઆરપી સેન્ટર પર છેલ્લા કેટલાક સમયથી રોજની અંદાજિત 100 પ્લેટ ફિટ થતી હતી અને 100 લોકો ફી ભરી તારીખ લઈ રહ્યા હતા.જોકે નવા ટ્રાફિક નિયમોને કારણે આરટીઓમાં આ સંખ્યા વધીને 500 થઇ ગઇ છે. અને 500 લોકો ફી ભરી રજીસ્ટ્રેશન કરાવી ગયા હતા.

વાહન માલિકોની રાહત માટે આગામી 16મી સપ્ટેમ્બરને બદલે 16મી ઓક્ટોબર સુધી વાહનચાલકોને એચએસઆરપી ન હોવાનો દંડ નહિ લાગે પણ ત્યાર બાદ એચએસઆરપી નહી હોય તો વાહન ચાલકો પાસેથી દંડ વસુલ કરવામાં આવશે. જેમાં ટુ વ્હીલરના 100 ફોર વ્હીલરના 200, હેવી વાહનના રૂા.1000 દંડ લેવામાં આવશે. સુરત આરટીઓમાં નોંધાયેલા 31લાખ જેટલા વાહનો પૈકી 15,69,000 નવા જુના વાહનોમાં એચએસઆરપી ફિટ થઇ ચુકી છે.