સરકારનો મોટો નિર્ણય: 26 જાન્યુઆરીથી સ્કૂલોમાં ભણાવવામાં આવશે સંવિધાન

રાજસ્થાન રાજ્ય સરકારે રાજ્યના પાંચ હજાર પ્રાથમિક અને માધ્યમિક સ્કૂલોમાં બાળકોને સંવિધાન ભણાવવાનું એલાન કર્યું છે. 26 જાન્યુઆરી થી તેની શરૂઆત થશે. જેથી બાળકો ભવિષ્યમાં સારા નાગરિક બની શકે. સાથે જ નવા સત્રથી શાળાઓની ચોપડીઓમાં પહેલા પાના ઉપર પણ સંવિધાનની ઉદ્દેશીકા છપાયેલી હશે.

બાળકોને સંવિધાનના પાઠ ભણાવવા તે એક સારી શરૂઆત

રાજસ્થાનના શિક્ષણ મંત્રી ગોવિંદસિંહ ડોટાસરા એ જણાવ્યું કે રાજસ્થાનના શાળાના બાળકોને સંવિધાનની મૂળ ભાવના થી પરિચિત કરાવવા માટે સરકારે આ નિર્ણય લીધો છે. હાલના સમયમાં દેશમાં જે પ્રકારનો માહોલ બની રહ્યો છે,તેમાં આપણા સંવિધાનના નિર્માણ ની પ્રસ્તાવના અને ભાવનાઓના પ્રસારથી જ દેશમાં આપણે પરસ્પર સદભાવ, એકતા અને અખંડતા ને કાયમ રાખી શકીશું. ભારત જેવા સહિષ્ણુ દેશમાં આવો માહોલ બનાવવો ખૂબ ખતરનાક છે. શિક્ષણ મંત્રીએ જણાવ્યું કે બાળકોને સંવિધાન નો પાઠ ભણાવવો એક સારી શરૂઆત હોઈ શકે છે. એટલા માટે તેમણે આ નિર્ણય લીધો છે.