આઇસોલેશન સેન્ટરની ફરતે ઘાસ અને આજુબાજુ ગાયો, ગૌશાળામાં શરૂ કરવામાં આવ્યું આ અદ્ભુત કોવિડ સેન્ટર

કોરોના કેસો દેશમાં દિવસેને દિવસે  વધી જ રહ્યા છે. છેલ્લા ત્રણ દિવસથી ચાર લાખથી વધારે કેસો નોંધતા દેશમાં ચિંતાનો વિષય બન્યો છે. સાથે સાથે રાહતના સમાચાર એ પણ છે કે, કોરોનાથી સાજા થનારની સંખ્યામાં પણ વધારો થઇ રહ્યો છે અને મોટી માત્રમાં લોકો સાજા થઇને પોતાના ઘરે પરત ફરી રહ્યા છે. ત્યારે કેટલાક દર્દીઓ હોસ્પીટલમાં બેડ શોધી રહ્યા છે અને ઓક્સિજનની ભારે અછત સર્જાણી છે ત્યારે આવા કપરા કાળમાં એક ગૌશાળાને કોવીડ સેન્ટરમાં ફેરવવામાં આવી છે. જાણીએ શું છે આ કોવીડ સેન્ટરમાં…

બનાસકાંઠા જીલ્લામાં આવેલ સૌથી મોટી રાજારામ ગૌશાળા આશ્રમ ટેટોડામાં અદભુત વેદલક્ષણા પંચગવ્યાયુર્વેદ આઇસોલેશન સેન્ટર ઉભું કરવામાં આવ્યું છે. સમગ્ર રાજ્યમાં કોરોનાએ આંતક મચાવ્યો છે ત્યારે ગ્રામ્ય વિસ્તારમાં કોવીડ સેન્ટર ઉભા કરવામાં આવી રહ્યા છે. ત્યારે બનાસકાંઠા જીલ્લાના ગ્રામ્ય વિસ્તારોમાં ગામવાસીઓને પુરતી સારવાર મળી રહે તે માટે ગૌશાળાના સંચાલકો મદદે આવ્યા છે.

કોરોનાની સારવારમાં ગૌમૂત્રનો ઉપયોગ કરાશે:
}આ ગૌ શાળાની અંદર દાખલ થતા કોરોનાગ્રસ્ત દર્દીઓને એલોપેથી દવાઓ અને આયુર્વેદના માધ્યમથી સારવાર કરવામાં આવશે. વેદલક્ષણા ગૌથી મળેલ પંચગવ્ય જેમાં ઘી, દૂધ, ગૌ મૂત્ર અને દહીં સાથે અનેક પ્રકારની આયુર્વેદિક ઔષધીથી તૈયાર કરવામાં આવેલ પંચગવ્યામૃત ઔષધીઓ દ્વારા સારવાર આપવામાં આવશે. ત્યારે દર્દીઓને ગૌમૂત્રના ખાતરથી ઉગાડવામાં આવેલું અનાજ, ગોબર અને મસાલાઓથી બનેલ ખાવાનું પ્રસાદી રૂપે આપવામાં આવશે.

ક્રોનાગ્રસ્ત દર્દીઓ માટે યજ્ઞ ધૂપ કરાશે:
આ વેદલક્ષણા કોવીડ સેન્ટરમાં ગોધૃત, પૂજા-ઉપાસના, ગુગળ અને હવન સામગ્રીથી દરરોજ ધૂપ યજ્ઞ દ્વારા કોરોના દર્દીઓમાં પ્રાણશક્તિનું નિર્માણ કરવામાં આવશે.