મહિલાને બેરહેમીથી માર મારવાનો CCTV વિડીયો વાયરલ થતા મચ્યો ખળભળાટ- આમ આદમી પાર્ટીના નેતા પર લાગ્યો આરોપ

રાજધાની દિલ્હી(Delhi)ના શાલીમાર બાગ(Shalimar Bagh) વિસ્તારમાં એક મહિલાને બેરહેમીથી માર મારવાનો મામલો સામે આવ્યો છે. આ ઘટના સીસીટીવી કેમેરામાં પણ કેદ થઈ ગઈ હતી. આ હુમલો 19 નવેમ્બરે થયો હતો. માર માર્યા બાદ મહિલાને હોસ્પિટલમાં દાખલ કરવી પડી હતી. ડિસ્ચાર્જ થયા બાદ પીડિતાએ આમ આદમી પાર્ટી (AAP)ના સ્થાનિક ધારાસભ્ય પર તેની મારપીટ કરવા માટે ગુંડાઓ મોકલવાનો આરોપ લગાવ્યો છે.

 

View this post on Instagram

 

A post shared by Trishul News (@trishulnews)

ફૂટેજમાંથી મળેલી તસવીરોમાં જોઈ શકાય છે કે, કેટલાક પુરુષો અને મહિલાઓ એક મહિલાને લાકડીઓ વડે માર મારી રહ્યા છે. મહિલાને એટલી ખરાબ રીતે મારવામાં આવી હતી કે, તે પોતાના પગ પર ઉભી પણ રહી શકતી નહોતી. મંગળવારે, જેવી તે વ્હીલચેરમાં હોસ્પિટલની બહાર આવી, તેણે પહેલા સીસીટીવી ફૂટેજ મેળવ્યા, જેથી કાયદાકીય મદદ દ્વારા દોષિતોને સજા મળી શકે.

ધારાસભ્ય પર લાગ્યો આરોપ:
મહિલાને નિર્દયતાથી મારવામાં આવી રહ્યો હોવાનો આ વીડિયો વાયરલ થઈ રહ્યો છે અને પીડિતાએ શાલીમાર બાગના આમ આદમી પાર્ટી (AAP)ના ધારાસભ્ય વંદના કુમારી પર હુમલો કરવાનો આરોપ લગાવ્યો છે. જોકે પોલીસને આપેલી ફરિયાદમાં ધારાસભ્યનો ઉલ્લેખ છે, પરંતુ તેમની સામે કોઈ એફઆઈઆર નોંધાઈ નથી.