ગુજરાતમાં આ જગ્યાએ પડશે કાળઝાળ ગરમી: હવામાન વિભાગે કરી હિટવેવની આગાહી- જાણો કેટલા ડીગ્રી રહેશે તાપમાન

હવામાન વિભાગ દ્વારા અવારનવાર ચોમાસામાં અતિભારે વરસાદ, શિયાળામાં કડકડતી ઠંડી અથવા તો ગરમીમાં અસહ્ય ગરમીને લઈ આગાહી કરવામાં આવતી હોય છે. હાલમાં આવા જ એક સમાચાર સામે આવ્યા છે. રાજ્યમાં અત્યારથી જ આકરી ગરમીથી લોકો ત્રાહિમામ પોંકારી ચૂક્યા છે તેમજ અસહ્ય ગરમીને લીધે રસ્તાઓ પણ ભેંકાર બની જતાં હોય છે.

આવા સમયમાં આગામી દિવસોમાં તાપમાનનો પારો ઉંચો જઈ શકે છે. હવામાન વિભાગે આગામી 2 દિવસ માટે હિટવેવની આગાહી કરી છે. આટલું જ નહીં પણ અમદાવાદનું તાપમાન પણ 1-2 ડિગ્રી સુધીમાં વધારો થઈ શકે તેવી આગાહી કરી છે.

આની સાથે જ 28 માર્ચનાં રોજ અમદાવાદમાં યલો એલર્ટ જાહેર કરી દેવામાં આવ્યું છે. હવામાન વિભાગે રાજ્યમાં 2 દિવસ એટલે કે 27-28 માર્ચનાં રોજ હિટવેવની આગાહી કરી છે. જેમાં ગીર સોમનાથ, જૂનાગઢ, દીવમાં હિટવેવની આગાહી કરવામાં આવી છે.

આની ઉપરાંત રણપ્રદેશ કચ્છમાં પણ હિટવેવની હવામાન વિભાગની આગાહી કરી છે. આટલું જ નહીં પણ અમદાવાદમાં 1થી 2 ડિગ્રી તાપમાનમાં વધારો થઈ શકે છે. આની સાથે જ એપ્રિલની મહિનાની શરૂઆતમાં તાપમાનનો પારો 40ને પાર થઈ જશે એવું જણાવાયું છે.