ભારેથી અતિભારે વરસાદને લઈને ગુજરાતના આ શહેરોને ફરી કરાયા એલર્ટ. જાણો કયા અને કયારે પડશે વરસાદ.

હાલમાં દક્ષિણ ગુજરાતમાં મેઘરાજાએ વરસાદનો ધરવ કરી દીધો છે. દક્ષિણ ગુજરાતમાં અપર એર સરક્યુલેશનની અસરો ઘટતાં વરસાદનું જોર પણ ઘટી ગયું છે જોકે આગામી બે દિવસ દરમિયાન ગુજરાતના મોટાભાગના વિસ્તારોમાં ભારે વરસાદ પડે તેવી સંભાવના છે. હાલ બંગાળની ખાડીનું લો-પ્રેશર ડીપ્રેશનમાં ફેરવાયું છે જે 8 ઓગસ્ટની આસપાસ ગુજરાત સુધી પહોંચતાં ગુજરાતનાં વાતાવરણમાં પલટો લાવશે.

આવનારી તારીખ 9 ઓગસ્ટથી ત્રણ દિવસ દરમિયાન રાજ્યમાં સાર્વત્રિક વરસાદની પ્રબળ શક્યતા જોવા મળી રહી છે. આવનારા સમયમાં મેઘરાજા વીજળીના કડાકા સાથે ફરી એક વાર આગમન કરશે. દક્ષિણ ગુજરાત, સૌરાષ્ટ્ર સહિત મધ્ય ગુજરાત અને ઉત્તર ગુજરાતમાં પણ ભારે વરસાદ પડે તેવી સંભાવના છે. જોકે, આગામી બે દિવસ રાજ્યમાં ગરમીની સાથે બફારાનું પ્રમાણ વધવાની શક્યતા જોવા મળી છે.