આ તો કેવી ઉજવણી?: જન્મદિવસ પર યુવકને અર્ધનગ્ન કરી, સીડી સાથે બાંધીને કર્યા એવા હાલ કે…- જુઓ ખતરનાક વિડીયો

સોશિયલ મીડિયામાં અવારનવાર અનેક વિડીઓ વાયરલ થાય છે. કેટલાય વિડીઓ એવા હશે જેને જોઇને તમે ડરી જતા હશો તો અમુક વિડીઓ એવા હોય છે જે આપણું દિલ જીતી લે છે. ત્યારે અમુક વિડીઓ રમુજી હોય છે. જયારે અનેક વિડીઓ પ્રેરણાત્મક અથવા સૂચનાત્મક હોય છે. ત્યારે આવો જ એક ચોંકાવનારો વિડીઓ સોશિયલ મીડિયા પર વાયરલ થયો છે. જે વિડીઓ જોઇને તમે પણ કહી ઉઠ્શો કે આતો કેવા પ્રકારની ઉજવણી કરી રહ્યા છે?

જ્યારે પણ કોઈ વ્યક્તિનો જન્મદિવસ હોય ત્યારે તેના મિત્રો પાર્ટીની માંગણી કરે છે અને કેક કાપવાથી લઈને ખાવા -પીવા સુધીની મજા માણે છે. કેટલાક લોકો ઘરે પાર્ટી કરવાનું પસંદ કરે છે જ્યારે કેટલાક લોકો બહાર ફરવા જઈને જન્મદિવસ ઉજવવા માંગે છે. તે જ સમયે ઘણી વખત મિત્રો પણ જન્મદિવસ પર ખુબ માર મારતા હોય છે. જોકે તે કોલેજ કે હોસ્ટેલમાં આવું કરતા જોવા મળે છે. હાલમાં, સોશિયલ મીડિયા પર આવો વીડિયો વાયરલ થઈ રહ્યો છે, જેમાં મિત્રોએ મિત્રના જન્મદિવસની ઉજવણી કરવા માટે વિચિત્ર હરકતો કરી છે.

હા, ઘણી વખત જન્મદિવસ પર મિત્રો દ્વારા કરવામાં આવેલી મજાક મસ્તી એટલી હદે પહોંચી જાય છે અને દર્શકોના હોશ ઉડી જાય છે. ઈન્ટરનેટ પર વાયરલ થયેલા એક વીડિયોમાં જોઈ શકાય છે કે એક માણસના જન્મદિવસ પર મિત્રોએ પહેલા તેને લોખંડની સીડી પર સૂવડાવી અને પછી તેનો શર્ટ ઉતારીને તેને અર્ધ નગ્ન કરી દીધો. આ પછી, કોલેજના મિત્રોએ તેને સીડી સાથે બાંધી દીધો અને તેને ઉપાડ્યો અને પછી તેને રસ્તાની બાજુમાં મૂકી દીધો. મિત્રો તેના પર ફીણ છાંટે છે. જેને લીધે વ્યક્તિની હાલત એવી થઈ ગઈ છે કે કોઈ તેને ઓળખી શકતું નથી.