સુરતીઓ સાચવજો! બાળકોમાં જોવા મળી રહી છે આ ગંભીર બિમારી- રોજના નોંધાઈ રહ્યા છે 600 કેસ 

સુરત(Surat): શહેરમાં 6 વર્ષ સુધીના બાળકોમાં ગંભીર બિમારી જોવા મળતા ચકચાર મચી જવા પામી છે. આ ગંભીર બિમારીમાં બાળકોના હાથ, પગ અને જીભ પર ચાંદા પડેલા જોવા મળી રહ્યાં છે. ખૂબ જ ઝડપથી બાળકોમાં આ ગંભીર બિમારી ફેલાઇ રહી છે. સુરત શહેરમાં રોજના 500થી 600 કેસ સામે આવી રહ્યાં છે, જેને કારણે એક ચિંતાનો વિષય બન્યો છે.

બીમારીને ડોક્ટરોએ ‘હેન્ડ-ફૂટ એન્ડ માઉથ ડિસીઝ’ નામ આપવામાં આવ્યું:
ડૉક્ટરોએ આ બીમારીને ‘હેન્ડ-ફૂટ એન્ડ માઉથ ડિસીઝ’ નામ આપ્યું છે. આ રોગ કોક્સસૈકી એન્ડ ઇકો વાયરસથી થાય છે. એવું કહેવાય છે કે, 5 વર્ષ બાદ ફરીવાર આ બિમારીએ માથું ઉચક્યું છે. 2017માં ઘણા બાળકો આ બીમારીની ઝપેટે ચડ્યા હતા. આ બીમારીમાં ડૉક્ટરો બાળકોને એન્ટિબાયોટિક તેમજ બહારનો ખોરાક ન આપવાની સલાહ આપી રહ્યાં છે.

અત્રે ઉલ્લેખનીય છે કે, બાળકોમાં તરત જ ચેપ લાગતો હોય છે. જેથી નર્સરી, ડાન્સ ક્લાસ અને પ્લેગ્રાઉન્ડમાં બાળકોને સાવચેત રાખવા ખુબ જરૂરી છે. આ ગંભીર બીમારીની અંદર બાળકોના મો અને ગળામાં પણ ફોલ્લા જોવા મળતા હોય છે. આ મામલે તબીબોના જણાવ્યા અનુસાર, આ રોગ ગંભીર ચેપી રોગ છે જેથી તેની સારવારની જરૂરી છે.

જાણી લો આ બીમારીના શું છે લક્ષણો?
જો વાત કરવામાં આવે તો સૌ પહેલા તો આ બીમારીમાં તાવ આવે છે. ત્યારબાદ જીભ અને ગળામાં ચાંદા દેખાવા લાગે છે. પાછળથી હાથ અને પગમાં ચાંદા પડે છે અને બાળકો પીડાથી રડે છે. આ રોગ ગંભીર ચેપી રોગ છે અને એક બાળકથી બીજામાં તેનું સંક્રમણ ફેલાય છે.