અલ્પેશની હાર પર હાર્દિક પટેલ થયો રાજીના રેડ, આ વાત કરીને લીધી મઝા

અલ્પેશ ઠાકોરને રઘુ દેસાઈના હાથે મળેલી સજ્જડ હાર બાદ હાર્દિક પટેલે ટ્વીટ કરી છે. હાર્દિક પટેલે ટ્વીટ કરી તેણે રાધનપુરના કોંગ્રેસના ઉમેદવાર રઘુભાઈ દેસાઈને ખુબ અભિનંદન પાઠવ્યા હતા. તેણે લખ્યું છે કે, ગુજરાતમાં કોંગ્રેસ પાર્ટીની સત્યતાથી જનતાની લડાઈ લડી રહી છે. આજ કારણે બધા લોકો હવે કોંગ્રેસની સાથે છે. તાનાશાહી ભાજપ પાર્ટી સામે કોંગ્રેસ પાર્ટી ખુબ સંઘર્ષ કરી રહી છે.

રાજ્યમાં પેટાચૂંટણીના પરિણામે પક્ષપલટુઓને તેમનો રસ્તો બતાવી દીધો છે. પ્રધાન બનાવા માટે ઉછળકૂદ કરી રહેલા અલ્પેશ ઠાકોરને રાધનપુરની જનતાએ ઘરનો રસ્તો બતાવી દીધો છે. રાધનપુરમાં અલ્પેશ ઠાકોરની ખુબ મોટી હાર થઈ છે. ત્યારે કોંગ્રેસમાં ભારે ઉત્સાહ છે. એક સમયે ક્યારેય રાજનીતિ નહીં કરું તેવું નિવેદન આપનારા અલ્પેશ ઠાકોરે ફરીથી રાજનીતિમાં જોડાયો છે. ગુરૂ ચેલા સમાન અલ્પેશ ઠાકોર અને ધવલસિંહ ઝાલા ઠાકોર સમાજને નામે જાતીવાદી રાજકારણ ચલાવી રહ્યાં હતા. ભાજપે પણ ઠાકોર સમાજને સોડમાં લેવા માટે આ બંને નેતાઓનો ભાજપમાં સમાવેશ કર્યો હતો. જોકે, રાધનપુર અને બાયડની જનતાએ આ જાતિવાદની રાજકારણને જાકારો આપી આ બંને નેતાઓને  પોતાના ઘરનો રસ્તો બતાવી દીધો છે.