હરિપ્રસાદ સ્વામીના પાર્થિવ દેહને સોખડા લઇ જવામાં આવ્યો, હરિભક્તો થયા ભાવુક- આ તારીખે થશે અંતિમ સંસ્કાર

વડોદરાના સોખડા સ્વામિનારાયણ સંપ્રદાયના પૂજનીય શ્રી હરિપ્રસાદ સ્વામીનું નિધન થયું છે. વડોદરા શહેરની ભાઈલાલ અમીન હોસ્પિટલમાં સારવાર દરમ્યાન સોમવારે રાત્રે તેઓ અવસાન પામ્યા છે. સ્વામિનારાયણ સંપ્રદાયના સાધુ, સંતો અને દેશ વિદેશના હરિભક્તોમાં શોકની લાગણી છવાઈ છે, તેઓ શ્રી યોગી ડીવાઇન સોસાયટી ના પ્રણેતા પણ હતા.

હરિપ્રસાદ સ્વામીના પાર્થિવ દેહને હરીધામ સોખડા લઇ જવામાં આવ્યા છે. અત્રે ઉલ્લેખનીય છે કે,  હરિપ્રસાદ સ્વામીના પાર્થિવ દેહને હરીધામ સોખડા લઇ જતી વખતે રસ્તા પર મોટી સંખ્યામાં ભારે ભક્તો ઉપસ્થિત રહ્યા હતા અને ધ્રુસકે ધ્રુસકે રડી પડ્યા હતા. ભક્તો પણ આ કાફલાની સાથે વાહનો લઈને જોડાણા હતા.

હરિપ્રસાદ સ્વામીના પાર્થિવ દેહને મંગળવારના 27 જુલાઈ થી શનિવાર 31 જુલાઈ સુધી ભક્તોના દર્શન માટે મુકવામાં આવશે. ત્યાર પછી 1 ઓગસ્ટે અંતિમ સંસ્કાર વિધિ સાથે કરવામાં આવશે. જેના દર્શન કરવા માટે મોટી સંખ્યામાં હરિભક્તો હાજરી આપશે. પ્રદેશ મુજબ દર્શન માટેનો સમય અને દિવસ નક્કી કરવામાં આવ્યો છે.

હરિપ્રસાદ સ્વામીજીની તબિયત હમણાં ઘણા સમયથી ખુબ જ ગંભીર હતી અને તેઓ નાદુરસ્ત હતા. મહત્વનું છે કે, સ્વામીજીનું સ્વાસ્થ્ય જળવાઈ રહે તે માટે તેમનું વારંવાર ડોક્ટર દ્વારા ચેકઅપ પણ કરવામાં આવતું હતું. જોવા જઈએ તો સ્વામીજીની તબિયત લથડતા સાંજના સમયે સ્વામીજીને વડોદરા સ્થિત ભાઈલાલ અમીન હોસ્પિટલમાં સારવાર હેઠળ ખસેડવામાં આવ્યા હતા.