WPL 2023: પ્રથમ જ મેચમાં હરમનપ્રીત કૌરે કર્યો ચોગ્ગાનો વરસાદ- ગુજરાત સામે 4,4,4,4,4,4,4 ફટકારી રચ્યો ઈતિહાસ

વિમેન્સ પ્રીમિયર લીગ (WPL 2023): મુંબઈ ઈન્ડિયન્સ(Mumbai Indians)ની કેપ્ટન હરમનપ્રીત કૌર(Harmanpreet Kaur) ગુજરાત જાયન્ટ્સ(Gujarat Giants) સામે ડૉ ડીવાય પાટિલ સ્પોર્ટ્સ સ્ટેડિયમમાં અદભૂત દેખાતી હતી. તેની ધમાકેદાર ઇનિંગ્સે ટીમને પ્રથમ મેચમાં ઉચ્ચ સ્કોર બનાવવામાં મદદ કરી હતી. આ સાથે, તે વિમેન્સ પ્રીમિયર લીગ (WPL 2023)ના ઈતિહાસમાં અડધી સદી ફટકારનારી પ્રથમ બેટ્સમેન પણ હતી.

હરમને પોતાની ઇનિંગ્સથી બધાને પ્રભાવિત કર્યા હતા. આ દરમિયાન તેણે બેક ટુ બેક સાત ચોગ્ગા ફટકારીને બધાને ચોંકાવી દીધા હતા. તેના ચોગ્ગા જોઈને MIના મેન્ટર અને બોલિંગ કોચ ઝુલન ગોસ્વામી સહિત સ્ટેડિયમમાં હાજર પ્રેક્ષકો આનંદથી ડાન્સ કરતા જોવા મળ્યા હતા.

Harmanpreet Kaur, What a player! 🇮🇳 #WPL2023 @ImHarmanpreet pic.twitter.com/uHUjqmFhr0

— Sushant Mehta (@SushantNMehta) March 4, 2023

ઝુલન ગોસ્વામી હરમનપ્રીત કૌરની ઇનિંગ્સ જોઈને ખુશ થઈ ગયા
વિમેન્સ પ્રીમિયર લીગ 2023ની પ્રથમ મેચ મુંબઈ ઈન્ડિયન્સ અને ગુજરાત જાયન્ટ્સ વચ્ચે રમાઈ હતી. આ મેચમાં, મુંબઈની ડેશિંગ કેપ્ટન હરમનપ્રીતે તેની ઝડપી બેટિંગથી પ્રભાવિત કરવાની સાથે સાથે આશ્ચર્ય પણ કર્યું હતું. આ મેચમાં તેણે 30 બોલમાં 65 રનની વિસ્ફોટક ઇનિંગ રમી હતી. આ જ્વલંત ઈનિંગમાં હરમને ધમાકેદાર ચોગ્ગા ફટકાર્યા હતા. આ જોઈને વિપક્ષી ટીમની છાવણીમાં ચિંતાનું વાતાવરણ સર્જાયું છે. આ મેચમાં ચાહકોને તેના બેટમાંથી કુલ 14 ચોગ્ગા જોવા મળ્યા.