ગુજરાતમાં ફરી મેઘરાજા કરશે પધરામણી: આ તારીખથી પડી શકે છે મુશળધાર વરસાદ- હવામાન વિભાગે આપી જાણકારી

ફરી એક વખત રાજ્યમાં વરસાદને લઈએ મોટા સમાચાર સામે આવ્યા છે, જેને લઈને ખેડૂતોમાં ખુશીની લહેર જોવા મળી રહી છે. રાજ્યમાં ફરી એક વખત ચોમાંસુ શરુ થાય તેવી શક્યતાઓ સેવાઈ રહી છે. હવામાન વિભાગે આગામી દિવસોમાં ગુજરાત રાજ્યમાં વરસાદની ઝાંપટા પડવાની શક્યતાઓ છે અને સાથે રાજ્યમાં 17 ઓગસ્ટ એટલે કે આવતીકાલથી ધમાકેદાર વરસાદ પડી શકે છે તેવી પણ આગાહી કરવામાં આવી છે.

હવામાન વિભાગે આગાહી કરતા વધુમાં જણાવ્યું છે કે, આગામી દિવસોમાં દક્ષિણ ગુજરાત અને ઉત્તર ગુજરાત સહિત સૌરાષ્ટ્રમાં પણ હળવો વરસાદ પડે તેવી હવામાને આગાહી કરી છે. મહત્વનું છે કે, રાજ્યમાં મેઘરાજાએ લાંબો વિરામ લીધો છે ત્યારે હવામાન વિભાગે ફરી ચોમાસું સક્રિય થાય તેવી આગાહી કરી છે.

જો વાત કરવામાં આવે તો આજે વહેલી સવારથી જ રાજ્યના અનેક શહેરોમાં વાદળછાયું વાતાવરણ જોવા મળી રહ્યું છે. અમદાવાદમાં પણ સવારથી જ વાતાવરણમાં પલટો આવ્યો છે વાતરવરણમાં ઠંડક ફેલાઈ ગઈ છે તો કેટલાક વિસ્તારમાં હળવો વરસાદ પણ પડ્યો હાવોનું સામે આવ્યું છે. હવામાન વિભાગની આગાહી મુજબ દક્ષિણ સહિત ગુજરાતના કેટલાક ભાગોમાં છુટો છવાયો વરસાદ પડી શકે છે.

હવામાન વિભાગે આગાહી કરતા જણાવ્યું છે કે, ગુજરાતમાં 16 ઓગસ્ટ બાદ સારો વરસાદ પડી શકે છે. તેમજ દક્ષિણ ગુજરાત અને સૌરાષ્ટ્રમાં સામાન્ય વરસાદ પડે તેવું પણ હવામાન વિભાગે આગાહી કરતા જણાવ્યું છે. સાથે ઉત્તર ગુજરાત અને મધ્ય ગુજરાતમાં પણ સારો વરસાદ પડી શકે તેવી હવામાને શક્યતાઓ વ્યક્ત કરી છે. મહત્વનું છે કે, ગુજરાતમાં હજુ પણ સારા વરસાદની ઘટ જોવા મળી રહી છે જેને લઈ વરસાદ ન પડતા ખેડૂતો મુશ્કેલીમાં મુકાયા છે.