વાવાઝોડા ના નામ કોણ નક્કી કરે છે? કઈ રીતે નક્કી થાય છે નામ?

ભારતમાં ચક્રવાતી વાવાઝોડા આવવા હવે સામાન્ય બની ગયા છે અને આવામાં તમે જોયું હશે કે, વાવાઝોડા ના વિચિત્ર નામો સંભળાતા હોય છે. દરેક વાવાઝોડા અને તોફાનના અલગ અલગ નામો રાખવામાં આવતા હોય છે. આવામાં તમારા મનમાં એક વિચાર ચોક્કસ આવ્યો હશે કે, આખરે આ તોફાનો ના નામ આવી રીતે કોણ રાખતું હશે? તો આવો જાણીએ કે વાવાઝોડાના નામ કોણ નક્કી કરે છે અને કઈ રીતે નક્કી કરવામાં આવતા હોય છે.

હાલમાં જ ઓરિસ્સામાં અને પશ્ચિમ બંગાળમાં કહેર વરતાવનારો ફાની કે ફણી નામના વાવાઝોડાએ જે રીતે કાળો કેર વર્તાવ્યો તે વાવાઝોડાનું નામ બાંગ્લાદેશે નક્કી કર્યું હતું. ભારતીય હવામાન વિભાગના અધિક મહાનિર્દેશક મૃત્યુંજય જણાવ્યું કે, ફાનીનો મતલબ સાપની ફેણ થાય છે. પરંતુ સવાલ એ છે કે આ ચક્રવાતોના નામ કઈ રીતે રાખવામાં આવે છે.

ચક્રવાતો ના નામ કરણ કરવાનો સિલસિલો 2004માં શરૂ થયો. ચક્રવાતી તોફાનોના નામ કરણ કરવાનું કામ વૈશ્વિક મોસમ વિજ્ઞાન સંગઠન એશિયા આર્થિક અને સામાજિક આયોગ અને પેસિફીક પેનલ ઓન ટ્રોપિકલ સાયકલોન એ ઓમાન ના મસ્કતમાં વર્ષ 2000માં પોતાના 27મા સત્રમાં આ વિશે સહમતી સાધી ને એશિયાના પશ્ચિમ ભાગના દેશોનું એક સંગઠન બનાવવામાં આવ્યું, જેવો દક્ષિણ એશિયા માં આવતા તોફાનોના નામ નક્કી કરે.