ટીવી જગતમાં કોરોના-કોરોના: આ લોકપ્રિય ટીવી એક્ટ્રેસને આવ્યો પોઝિટિવ

કોરોના વાઈરસના કેસ દિવસે-દિવસે ભારતમાં વધતાં જાય છે.ભારતમાં કુલ સાડા પાંચ લાખ કરતાં પણ વધારે કેસ છે.હાલમાં જ ટીવી એક્ટ્રેસ અદિતી ગુપ્તાને કોરોના વાઈરસનો ટેસ્ટ પોઝિટિવ આવ્યો હતો.એક્ટ્રેસે વેબ પોર્ટલ ટેલિ ચક્કર સાથેની ચર્ચામાંમાં આ વાત કહી હતી.તેણે જણાવતાં કહ્યું હતું,કે તે અસિમ્પ્ટોમેટિક એટલે કે કોઈપણ જાતના લક્ષણો ના હોવાની દર્દી છે.તે છેલ્લાં 8 દિવસથી એક રૂમમાં ક્વૉરન્ટીન છે.

‘ઈશ્કબાઝ’ ફૅમ એક્ટ્રેસે આગળ જણાવતાં કહ્યું હતું,કે જ્યારે તેને તેની ગંધ પારખવાની ક્ષમતા જતી રહી,ત્યારે જ એણે પોતાને ક્વૉરન્ટીન કરી લીધી હતી,અને કોરોનાનો ટેસ્ટ કરાવ્યો હતો.ટેસ્ટ કરાવતાં તેનો ટેસ્ટ પોઝિટિવ આવ્યો હતો. તે અસિમ્પ્ટોમેટિક દર્દી છે,અને તેણે ઘરમાં જ સારવાર લેવાનું નક્કી કર્યું.છેલ્લાં એક અઠવાડિયાંથી તે પોતાના રૂમમાં બંધ છે.

આગળ વધુમાં અદિતીએ જણાવતાં કહ્યું હતું,કે તે તમામ મેડિકલનાં નિયમોનું પાલન કરે છે,અને તેની ગંધ પારખવાની ક્ષમતા થોડી પાછી આવી છે.તેણે દબાણપૂર્વક કહ્યું હતું,કે આનાથી ડરવાની જરૂર જ નથી.જો તમે યોગ્ય મેડિકલ સારવાર અને હકારાત્મક વલણ અપનાવો તો જરૂરથી સારા થઈ જશો.

અદિતીએ આગળ જણાવતાં કહ્યું હતું,કે તેને તેનાં પતિ,પરિવાર અને મિત્રોનો પૂરેપુરો ટેકો મળ્યો હતો.તેઓ સતત તેનું ધ્યાન રાખી રહ્યાં છે.તે આગળનાં 10 દિવસ માટે ક્વૉરન્ટીન રહેશે.તે યોગ્ય રીતે જમે છે,અને જરૂરી સાવધાની રાખે છે.તે એમ કહે છે,કે ભયભીત થવાની જરૂર નથી,પરંતુ આ સારી વાત નથી.તે શરૂઆતમાં જ તણાવમાં આવી ગઈ હતી.પરંતુ પછી તે ધીરે-ધીરે સારી થઈ ગઈ હતી.ઘણાં લોકો આની જ વાત કરવા માટે તૈયાર નથી,પરંતુ તેને આશા છે,કે સારા દિવસો ફરીથી આવશે અને સ્થિતિ પહેલાં જેવી જ સામાન્ય થઈ જશે.