‘આત્મ વિશ્વાસ સફળતાનું પ્રથમ રહસ્ય છે’ ભેંસ ચરાવતી દીકરીના મક્કમ મને તેને પહોચાડી સફળતાના શિખરે અને બની IAS ઓફિસર

Published on: 4:51 pm, Tue, 19 October 21

IAS અધિકારી સી.વનમાથી(C. Vanmathi) ને આર્થિક મુશ્કેલીઓનો સામનો કરવો પડ્યો હતો અને બાળપણમાં તેને પશુપાલન કરવું પડ્યું હતું. તે પોતે ભેંસ ચરાવવા જતી હતી, પરંતુ આ હોવા છતાં તેણે પોતાનો અભ્યાસ છોડ્યો નહીં અને IAS ઓફિસર(IAS Officer) બનીને એક પ્રેરણારૂપ(Success story) ઉદાહરણ પૂરું પાડ્યું.

પરિવારની આર્થિક સ્થિતિ સારી નહોતી:
તમિલનાડુ(Tamil Nadu)ના ઈરોડ જિલ્લા(Erode District)ના રહેવાસી સી. વનમાથી ખૂબ જ સરળ પરિવાર સાથે સંબંધ ધરાવે છે અને તેના પરિવારની આર્થિક સ્થિતિ બહુ સારી નહોતી. તેમના પરિવારમાં પશુ કામ કરવામાં આવતું હતું અને વનમાથી પણ પશુઓને ખવડાવતી હતી અને સાથે ભેંસ ચરાવવા જતી.

આ 2 બાબતોએ વનમાથીનું જીવન બદલી નાખ્યું
બે બાબતોએ સી. વનમાથીને પ્રેરણા આપી. પ્રથમ તેમના વતનના જિલ્લા કલેક્ટર (DC) હતા, જેમને જોઈને વનમાથી ખૂબ પ્રભાવિત થઈ. આ સિવાય તેણે ગંગા યમુના સરસ્વતી નામની સિરિયલ જોઈ. જેમાં અભિનેત્રી આઈએએસ અધિકારી છે. આ પછી વનમતીએ નક્કી કર્યું કે તેણીએ પણ IAS અધિકારી બનવું પડશે.

12 મી પછી લગ્નનું દબાણ:
12 મી પછી સી. વનમાથીના સંબંધીઓએ લગ્ન માટે દબાણ કરવાનું શરૂ કર્યું. પરંતુ તે બળવો પર ઉતરી અને લગ્નનો સ્પષ્ટ ઇનકાર કર્યો. કારણ કે તેણે આઇએએસ બનવાનું સપનું જોયું હતું. પરિવારે વનમતીના નિર્ણયને ટેકો આપ્યો અને તેણીએ અભ્યાસ ચાલુ રાખ્યો.

પીજી પછી ખાનગી બેંકમાં કરી નોકરી:
સી. વનમાથીએ તેમનું પોસ્ટ ગ્રેજ્યુએશન (પીજી) કમ્પ્યુટર એપ્લિકેશન્સમાં કર્યું અને તે પછી તેમણે પરિવારને આર્થિક મદદ કરવા માટે ખાનગી બેંકમાં કામ કરવાનું શરૂ કર્યું. જો કે, આ હોવા છતાં તેણે IAS બનવાના પોતાના ધ્યેયને છોડ્યો નહીં અને UPSC ની તૈયારી શરૂ કરી.

આ રીતે UPSC પરીક્ષામાં મળી સફળતા:
સી. વનમાથીને પ્રથમ વખત યુપીએસસી પરીક્ષામાં સફળતા મળી ન હતી, પરંતુ તેણીએ હાર ન માની અને વર્ષ 2015 માં બીજા પ્રયાસમાં યુપીએસસી પરીક્ષા ક્રેક કરી. જ્યારે પરીક્ષાનું પરિણામ જાહેર થયું ત્યારે વનમતિ તેના પિતા સાથે હોસ્પિટલમાં હતી,. જેમને કરોડરજ્જુમાં ઈજા થયા બાદ દાખલ કરવામાં આવી હતી. થોડા દિવસો પછી, તેના પિતાની સંભાળ લેતી વખતે વનમતીએ એક ઇન્ટરવ્યૂ આપ્યો અને સફળતા પ્રાપ્ત કરી.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.