દ્વારાકા માં જામશે દંગલ: 32 વર્ષથી પબુભા માણેકે જમાવ્યો છે એક્કો, ‘આપ’ ના ભાવી મુખ્યમંત્રી આપશે કાંટાની ટક્કર

ગુજરાત(Gujarat): રાજયમાં વિધાનસભાની ચુંટણીના પડઘમ વાગી ચુક્યા છે, ત્યારે ભાજપ(BJP), કોંગ્રેસ(Congress) અને આપ(AAP) એ પોતાના શુરવીરોને મેદાન પર ઉતારી દીધા છે. જયારે આમ આદમી પાર્ટીએ મુખ્યમંત્રીના ઉમેદવાર તરીકે ઇસુદાન ગઢવીને જાહેર કરી દીધા છે. ત્યારે આમ આદમી પાર્ટીએ દ્વારકા બેઠક પરથી ચુંટણી લડવા માટે ઇસુદાન ગઢવીને જાહેર કર્યા છે.

સમગ્ર રાજ્યમાં ભારતીય જનતા પાર્ટી દ્વારા ઉમેદવારોની જાહેર કરવામાં આવેલી યાદીમાં કુલ 182 પૈકી 160 ઉમેદવારોના નામો જાહેર કરી દેવામાં આવ્યા છે. બે ચરણમાં યોજનારી આ ચૂંટણીના માત્ર બાવીસ ઉમેદવાર જ જાહેર કરવાના બાકી છે. દેવભૂમિ દ્વારકા જિલ્લાની બે પૈકીની એક વિધાનસભા બેઠક 82- દ્વારકા – કલ્યાણપુર માટે વધુ એક વખત તત્કાલીન ધારાસભ્ય પબુભા માણેકનું નામ જાહેર થયું છે. સમગ્ર પંથકમાં રાજકીય તથા સામાજિક રીતે વર્ચસ્વ ધરાવતા પબુભા માણેકને ભારતીય જનતા પાર્ટીએ પુનઃ મેદાનમાં ઉતાર્યા છે.

સૂત્રોના જણાવ્યા અનુસાર ઇસુદાન ગઢવી દ્વારકાથી ચૂંટણી લડવાના છે અને જો આ સમીકરણ યોગ્ય સાબિત થાય તો ઇસુદાન ગઢવી સાત વખત ધારાસભ્યની ચૂંટણી જીતેલા કદાવર નેતા પબુભા માણેકની સામે ટક્કર લેશે. તેમનો ઈતિહાસ કંઈ આ રીતે છે. પબુભા માણેક 1990થી સતત દ્વારકામાંથી જીતી રહ્યા છે. તેઓ અપક્ષ તરીકે પ્રથમ ત્રણ ચૂંટણી જીત્યા હતા, ત્યારબાદ 2002માં પંજાના નિશાન પર ચૂંટણી જીત્યા હતા, તેમજ ત્યારબાદ પબુભા માણેક પક્ષ પલટો કરીને ભાજપમાં જોડાયા હતા અને જેઓ વર્ષ 2007, 2012 અને 2017ની ચૂંટણીમાં વિજયી થયા હતાં.

અભેદ્ય ગઢ ભેદવા આપે ઉતર્યા ઈસુદાન ગઢવીને 
આ વખતે ઈસુદાન ગઢવી મેદાનમાં ઉતર્યા છે જે જંગ દરે વખતે ભાજપ અને કોંગ્રેસ વચ્ચે જ જામતી હતી પરંતું આ વખતે ત્રિપાંખીયો જંગ જામશે. તમને જણાવી દઈએ કે, ઇસુદાન ગઢવી સાત વખત ધારાસભ્ય તરીકે જીતેલા પબુભા માણેકને પડકારશે. પબુભા માણેક 1990થી સતત દ્વારકા બેઠક પર જીતી રહ્યા છે. દ્વારકા બેઠક પર પબુભાએ ચૂંટણીલક્ષી તૈયારીઓ પણ આરંભી દીધી છે.