મેટ્રોમાં બધાની સામે યુવકે પેન્ટની ચેન ખોલીને યુવતીને કહ્યું….

રેલ્વે મુસાફરી દરમિયાન મુસાફરોની અજીબોગરીબ હરકતો ઘણીવાર સમાચારમાં ચમકતી રહે છે. રોજ રોજ આવા અલગ અલગ કિસ્સાઓ સાંભળવા અને જોવા મળે છે. એવી જ એક ચોંકાવનારી ઘટના સામે આવ્યો છે. જે સોશિયલ મીડિયા પર ખૂબ વાયરલ થઈ રહ્યો છે. આ પહેલા પણ તમે ઘણીવાર સાંભળ્યું હશે કે, મેટ્રોમાં સફર કરતી વખતે મહિલાઓએ વિચિત્ર પરિસ્થિતિનો સામનો કરવો પડે છે. મેટ્રોમાં સફર કરી રહેલા લોકોમાંથી કેટલાંક લોકો એવા પણ હોય છે જે વિચિત્ર હરકતો કરતાં રહે છે. આવો જ એક ચોંકાવનારો કિસ્સો સામે આવ્યો છે, જેમાં દિલ્હી મેટ્રોમાં સફર કરી રહેલી એક યુવતી સામે એક યુવકે પેન્ટની ચેન ખોલીને પ્રાઇવેટ પાર્ટનું પ્રદર્શન કર્યુ. ફોટોમાં જોઇ શકાય છે કે સામે ઉભેલી યુવતી સામે તે અશ્લીલ હરકતો કરી રહ્યો છે.

ઘટના બુધવારે સાંજે 6 વાગ્યાની છે. જ્યારે યુવતી સાંજે 6 વાગ્યે યલો મેટ્રો લાઇનમાં દિલ્હીથી ગુડગાંવ જઇ રહી હતી. ત્યારે તેની સામે ઉભેલા એક યુવકે પોતાના પેન્ટની ઝિપ ખોલી નાંખી અને શરમજનક અશ્લીલ હરકતો કરવા લાગ્યો. ફોટોમાં જોવા મળી રહેલો યુવક જ આ મામલાનો આરોપી છે. તેણે જ યુવતી સામે અશ્લીલ હરકત કરી હતી. આ ઘટનાથી ગભરાયેલી યુવતીએ કોઇને કઇ જણાવ્યુ નહી પરંતુ તેણે યુવકનો ફોટો લઇ લીધો અને પછીથી પોલીસ ફરિયાદ કરી. યુવતીએ આરોપ લગાવ્યો કે પહેલા તો પોલીસે એફઆઇઆર કરવામાં આનાકાની કરી. પછીથી જ્યારે યુવતીએ મહિલા હેલ્પલાઇન પર ફોન કર્યો તો પોલીસે એફઆઇઆર નોંધી હતી.

પોલીસે યુવતીની ફરિયાદ પર યૌન શોષણનો કેસ કર્યો. તે બાદ મેટ્રોના સીસીટીવી કેમેરામાં ઘટનાના સમયની તસવીર લેવામાં આવી. હવે સીસીટીવી અને યુવતી પાસેથી મળેલી તસવીરના આધારે પોલીસ તે યુવકને શોધી રહી છે. ઘટનાથી ભયભીત થયેલી યુવતીએ પોતાની કહાની સોશિયલ મીડિયા પર પણ શેર કરી. તે બાદ વિગતો લેતાં ડીએમઆરસીએ કહ્યું કે, તે તરત જ મેટ્રો અથવા સીઆઇએસએફની હેલ્પલાઇન પર કૉલ કરો.