સુરતમાં ઘરેથી દવા લેવા જવાનું કહીને યુવકે ઝાડ પર ફાંસો ખાધો, યુવકની હત્યા કે આત્મહત્યા ઘેરાતું રહસ્ય…..

ગુજરાતમાં આવેલ સુરતના ખટોદરા વિસ્તારમાં આવેલા સોહમ સર્કલ પાસે ઝાડ પર સવારના સમયે યુવકનો લટકતો મૃતદેહ મળી આવ્યો હતો. ઘટનાની જાણ સ્થાનિકોને થતાં પોલીસને જાણ કરાઈ હતી. પોલીસે ફાયરબ્રિગેડની મદદથી મૃતદેહને નીચે ઉતારી વધુ તપાસ હાથ ધરી છે. જેમાં પ્રાથમિક તપાસમાં મજૂરી કામ કરતો યુવક ઘરેથી દવા લેવા જવાનું કહીને નીકળ્યો હતો. એક વર્ષ અગાઉ યુવકના લગ્ન થયા હતા ત્યારે કયા સંજોગોમાં ફાંસો ખાધો તે અંગે પોલીસે વધુ તપાસ હાથ ધરી છે.

વિસ્માંતારમાં ચકચાર મચી

સુરતમાં વધુ એક વખત ઝાડ પર લટકતી લાશ મળી આવતા પોલીસ હરકતમાં આવી છે. અલથાણ વિસ્તારમાં આવેલા સોહમ સર્કલ નજીક લગભગ 25 ફૂટ ઊંચા ઝાડ પર યુવકનો લટકતો મૃતદેહ સ્થાનિકોએ જોતાં ચકચાર મચી ગઈ હતી. પોલીસ તપાસમાં મૃતક ભટારના ખોડિયારનગર ખાતે રહેતો વિપુલભાઈ દિનેશભાઈ ડામોર(ઉ.વ.22)ના હોવાનું તથા કડિયા કામની મજૂરી સાથે સંકળાયેલો હોવાનું સામે આવ્યું હતું. પોલીસે ઘટના સ્થળે પહોંચી ફાયરબ્રિગેડની મદદથી મૃતદેહને નીચે ઉતારી પીએમ માટે સિવિલ હોસ્પિટલ મોકલી આપી વધુ તપાસ હાથ ધરી હતી. મૂળ દાહોદના વિપુલના એક વર્ષ અગાઉ લગ્ન થયા હોવાનું અને ઘરેથી રાત્રિના સમયે દવા લેવા જવાનું કહીને નીકળ્યો હોવાનું સામે આવ્યું છે.