સુરતમાં વ્યાજખોરોએ કરાવ્યું યુવકનું અપહરણ અને માર્યો ઢોર માર- અચાનક ઘટના સ્થળે પોલીસ પહોચી અને…

વરાછા મીનીબજાર વિસ્તારમાં રહેતા હીરાના સરીન મશીનના રિપેરીંગના કારીગરને  મિત્રના કહેવાથી તેના મિત્રને વ્યાજે રૂપિયા અપાવાનું ભારે પડ્યું છે. મિત્રના મિત્રઍ વ્યાજ નહી ચુકવતા ફાયનાન્સરે ગઈકાલે  બપોરે તેનું પુણાગામ બસ સ્ટેશન પાસેથી અપહરણ કરી ભૈયાનગર ખાતે આવેલી તેની ફાયનાન્સની ઓફિસમાં ગોધી ઢોર મારમારી વ્યાજે લીધેલા રૂપિયા 50 હજારની સામે 70 હજારની માંગણી કરી હતી તેમજ કોરા ચેક ઉપર રૂપિયા 1.50 લાખની રકમ લખી સહી કરાવી લીધી હતી.

જાકે, મો઼ડી સાંજે પોલીસે કારીગરને પોલીસે મુક્ત કરાવી ફાયનાન્સર સહિત ચારની ધરપકડ કરી ઓફિસમાંથી રોકડા 54 હજાર, કાર સહિત કુલ રૂપિયા 6.64 લાખનો મુદ્દામાલ કબજે કર્યો હતો. વરાછા મીનીબજાર ડાયમંડ વર્લ્ડની પાછળ કોહીનુર સોસાયટી શિવ ઍપાર્ટમેન્ટમાં રહેતા કેવિનભાઈ દેવશીભાઈ સોરઠીયા ડાયમંડના સરીન મશીનો રિપેરિંગનું કામ કરી પરિવારનું ગુજરાન ચલાવે છે. કેવિનને ગત તા 26 જાન્યુઆરીના રોજ તેનો મિત્ર ભાવેશ વેકરીયા ઍ તેના મિત્ર આશિષ ઉર્ફે રૂદ્ર તિવારીને 50 હજારની જરૂર છે તમે વચ્ચે પડી પુણાગામ ભૈયાનગરમાં જય અંબે ડેવલપર્સના નામે ફાયનાન્સનો ધંધો કરતા ઈન્દ્રજીત મિશ્રા અને પ્રદિંપ પાંડે ઉર્ફે રાજભા પાસેથી વ્યાજે પૈસા અપાવવા કહ્ય હતું.

કેવિન ભાવેશના કહેવાથી આશિષને વ્યાજે રૂપિયા અપાવવા તૈયાર થયો હતો અને આશિષને ઓફિસની બહાર ઉભો રાખી બંને જણા અંદર ગયા હતા. કેવિને ફાયનાન્સર ઈન્દ્રજીતને લોકડાઉનના કારમે ધંધામાં મંદી આવી હોવાથી વ્યાજે રૂપિયા 50 હજાર જાઈઍ છે હોવાની વાત કરતા  પ્રદિપ પાંડેએ 50 હજારના બદલામાં ઍક દિવસના રૂપિયા 1,000 એમ કુલ 60 દિવસના 60,000 ચુકવવાનું કહી આધાર કાર્ડ, લાઈટબીલ, બ્લેન્ક ચેક લીધો હતો.

પૈસા લીધા બાદ વ્યાજ ચુકવતો ન હતો અને તેની કેવિનને ખબર પણ ન હતી. દરમિયાન ગઈકાલે કેવિનને ઓળખીતા અશ્વિનકાકાઍ ફોન કરી મારે દવાખાનાના કામે રૂપિયા 50 હજારની જરૂરીયાત છે ક્યાંકથી પૈસા અપાવ હોવાનુ કહેતા કેવિન કાકાને લઈને ઈન્દ્રજીતની ઓફિસે ગયા હતા જાકે ઓફિસમાં કોઈ હાજર ન હોવાથી તેઓ નાસ્તા કરવા માટે જતા હતા તે વખતે પુણાગામ બસ સ્ટેશન પાસે બુલેટ પર અવેલા અજાણ્યાએ કેવિન તમે જ છો ને હોવાનુ કહી ગાળાગાળી કરી બાઈક પરથી નીચે ઉતાર્યો હતો તે દરમિયાન પલ્સર બાઈક પર બીજા  બે અજાણ્યાઓ આપી કોલર પકડી ત્રણ ચાર થાપટ મારી હતી અપહરણ કરી જયઅંબે કાર વોશીંગની ઓફિસમાં લઈ ગયા હતા.