પ્રેમીને પામવા પરણીતા પોતાના જ પતિની હત્યારી બની- સમગ્ર ઘટના જાણી ચોંકી ઉઠશો

આજકાલ પ્રેમસંબંધને લઈને ઘણા ખૂની ખેલ ખેલાઈ રહ્યા છે. “જર જમીન અને જોરૂ એ ત્રણ કજીયાના છોરૂ” એ કહેવત મુજબ સુરેન્દ્રનગરના અંતરીયાળ ગામ ઢાંકળીયા ગામે એક ઘટના બની છે. અહી પત્નીએ આડાસંબંધમાં પોતાના પતિનો  જીવ લઈ લીધો છે. નિંદ્રાધીન પતિને ગળામાં દુપટ્ટો અને સાડીથી ફાંસો આપી આ મહિલાએ પતિ અને પત્નીના સંબંધોને લાંછન લગાડી દીધું છે. 

એક મહિલાએ પારકા પુરુષના પ્રેમમાં પાગલ થઈ પોતાના પતિને મોતને ઘાટ ઉતારી દીધો છે. જાણવા મળ્યું છે કે, મહિલાએ પોતાના પ્રેમી સાથે મળી પતિની હત્યા કરી અને નફ્ફટ એવી આ સ્ત્રીએ પતિની હત્યાને અકસ્માતમાં ખપાવવાનો પ્રયાસ કર્યો. તેમ છતાં તેના પાપનો ભાંડો ફૂટી ગયો હતો.

હદ તો ત્યાં થઈ કે, આ સ્ત્રીએ ઠંડા કલેજે પોતાના પતિની હત્યા કરાવ્યાં બાદ આખા પરિવારને અકસ્માતે મોત થયાનું નાટક કર્યું અને અંતિસંસ્કાર પણ કરાવડાવી દીધા હતાં. આ દંપતી સુરેન્દ્રનગરના સાયલાના ઢાંકણિયા ગામની વાડીમાં રહેતું હોવાનું જાણવા મળ્યું છે. આ ઉપરાંત જેમાભાઈ અને પત્ની રેખાબેન બંને ખેતીકામ કરી ગુજરાન ચલાવતાં હતાં.

અચાનક 13/5/2021ના રોજ રાતના એકાએક રેખાબેને જેમાભાઇના કુંટુબના લોકોને રાતના સમયે ફોન કરીને જેમાભાઇનું ઢોર કાઢતા વાડીના વાડમાં ફસાઇ જતા ફાસો લાગી જતાં મૃત્યુ થયાનું જણાવ્યું હતું. આ અંગે પરિવારજનોએ પોલીસને જાણ કરવાની વાત કરી પણ રેખાએ મગરના આસુ પાડી પતિની ચીરફાડ થશે તેવું કારણ આપ્યું. અને બારોબાર અંતિમસંસ્કાર કરાવી દીધા. પરંતુ પરિવારજનોને કઈક કાળું-ધોળું લગતા વાડીએ જઈને તપાસ કરી તો પગ તળેથી જમીન સરકી ગઈ.